VOV4.K’ho - Ngai òr 27/02, gah lơh sơnơm càr Dak Nông bơyai lơh tơngkah 60 nam ngai cau lơh sơ nơm Việt Nam. Đơs tàm dơ\ bơyai lơh, mò Nguyễn Thị Ngọc Lệ kuang jat jơng atbồ anih duh broă làng bol càr Dak Nông cih dờp mờ jờng rơ ală broă lơh ngan bơh gah lơh sơ nơm dê tàm broă lơh jơh niam ală khà, rơndap broă bè sền gròi pràn kơldăng să jan làng bol. Mò kung pơn jờng kuang bàng, cau lơh broă tàm gah lơh sơnơm pơnjat tai tơnguh jơnhua nùs nhơm geh kơ nòl, pơlam tàp nùs nhơm lơh sơ nơm, lơh jat jơnau bơto sồr Bác Hồ dê “Cau lơh sơ nơm niam bè cau mè lơ bơn” nàng hời rơ hời sơr lèt gan bơta lòng, kal ke, mut lơh ngai sơ lơ niam kơ nòl sền gròi, sền gàr pràn kơldăng să jan làng bol.