VOV4. K’ho - Brê bồ tô rơcang gàr Nam Cát  Tiên geh ơnàng rlau 14 rbô lồ, geh  tus 4 ntum la Đạo Nghĩa, Nhân Đạo,  Dak Sin mờ Hưng Bình, kơnhoàl Dak Rlấp, càr Dak Nông. Do geh sền la anih rcang gàr ngan bơh tiah tờm brê Nam Cát Tiên, gàr geh dà cat tàm tiah ù tus rơlau 40 kơi sồ tềng  dà dờng Đồng Nai. Nàng  sền gàr kràn ngan brê tờm  do,  mờr jơt nam do, mpồl atbồ sền gàr brê bồ tô rcang gàr Nam Cát Tiên neh jàu  khoàn rlau 7 rơbô 800 lồ brê  tus mờr 360 hìu nha\ sền gàr brê. Broa\ lơh do neh cèng geh cồng nha sền gàr brê, ngan la bơh nam 2012, tu\ geh khà pria\ jàu  sền gàr brê dong kờl git nđờ rhiang hìu nha\ làng bol  dờp sền gàr brê.

            Mat tơngai rơp mut kung la tu\ mpồl  cau  lơh broa\ sa tàm [òn Quàng Đạt, ntum Đạo Nghĩa, kơnhoàl Dak Rlấp, càr Dak Nông neh bal mờ  cau kuang Mpồl atbồ sền gàr brê bồ tô rcang gàr Nam Cát Tiên mut tàm brê nàng lòt sền gàr. Jat geh pơlam bơh cau kuang atbồ sền gàr brê,  ala\ cau dờp  ba\ brê sền gàr geh tam pà gơs ala\ mpồl lòt sền, hơ\ sồng tam pơ dar ơm gak tàm ala\ kù lơh ơm gak kuơ màng. Ồng Nguyễn Văn Chuyên kis tàm [òn Quảng Đạt, ntum Đạo Nghĩa, kơnhoàl Dak R’lấp, càr Dak Nông ai git: Broa\ lơh  do ồng dê neh geh lơh sùm tàm 6 nam do, bơh  tu\ hìu nha\ geh mpồl atbồ jàu brê jàu rlau 20 lồ brê rềp tềng mìr:“La ala\ cau  rềp mờ brê,  dờp mờ sền gàr brê,  hìu nha\ kung neh lơh ngan tus bal sền gàr brê. Tơngai  bơh sơnrờp gam gơ lơh kui kuơ mơya geh mpồl pơlam lơh bè rcang sơndra\ ồs sa brê, hơ\ sồng geh ơm gak,  lòt sền gàr... Pa do,  geh jàu tai pria\ sền gàr brê den pah nam làng bol kung dờp geh rlau 10 tơlak pria\. Kơp kờ` la geh lòt sền gàr brê, dilah geh tìp bol kơnhau chi brê, gam tam lơh  gơbàn sồt sa\ kung geh pria\ dong kờl lơi hơ\  kờ` làng bol  iang nùs  rlau”.

       Làng bol ntum Đạo Nghĩa lơh ngan sền gàr brê

            Mờ kờp jơh ba\ brê rlau 14 rbô lồ, brê bồ tô rcang gàr Nam Cát Tiên geh bơta krơi is la đah pơt dang ờ ơnàng, mơya gơ jòng geh tus 4 ntum: Đạo Nghĩa,  Nhân Đạo,  Dak Sin mờ Hưng Bình bơh kơnhoàl Dak Rlấp, càr Dak Nông, mờ bơta ơnàng mờr 100 kơi sồ,  ua\ ngan brê den gơ rềp bal mờ mìr  làng bol mờ [òn làng bol ơm kis. Tàm tu\ hơ\,  mpồl sền gàr brê bơh mpồl atbồ mìng geh 30 na\ cau,  den tàng broa\ lơh atbồ sền gàr brê den sơnđìng ngan tàm  ala\ hìu làng bol dờp brê sền gàr. Ồng Đỗ Thành Tâm  atbồ anih sền gàr brê sồ 3,  mpồl atbồ  sền gàr brê bồ tô  rcang gàr Nam Cát Tiên, đơs:“Broa\ lơh pah ngai bơh oh mi tềng anih sền gàr brê sồ  3 ua\ ngan la lòt sền gròi,  ơm gak,  sền gàr brê. Oh mi neh bal mờ ala\ hìu nha\ dờp brê sền gàr mờ cau lơh broa\ sền gàr brê  tàm tiah do geh lơh bal ngan kơryan, ua\ ngan la geh  ơm gak bic mang tàm brê den tàng ua\ bơta gơ gam ua\ ngan kal ke, ngan la tàm nhai mìu  do den kan ngan geh lòt sền gròi. Mơya,  bol a` neh ai geh gùng la sền gàr bơt bơta lam sồr bơh mpồl mờ geh bơta geh lơh bal mờ anih sền gàr brê ntum mờ ala\ hìu nha\ dờp sền gàr brê kờ` kơryan tơnjơh anih mờ bol kơnhau  brê geh mut tàm brê bồ tô rcang gàr Nam Cát Tiên do”.

            Tu\ do,  mpồl atbồ brê neh jàu  khoàn 7 rbô 800 lồ brê ai tus 357 hìu nha\ atbồ sền gàr brê, tàm hơ\ geh 124 hìu nha\ làng bol kòn cau kis rềp brê.  Bal mờ broa\ tus bal lòt sền gròi brê,  ơm gak,  yal jơnau tơnggit,  pơ gồp bal git go\,  bơsong git nđờ rhiang dơ\ gơbàn aniai brê, ala\ hìu nha\ dờp  brê sền gàr gam tus bal broa\ lơh koh mus sìô sia\, nhơt, nha pàs, tam brê mờ rcang sơndra\ ồs sa brê. Bơh nam 2012 tus tu\ do,  tu\ geh jàu pria\  sền gàr brê geh dong  làng bol  dờp brê sền gàr mờ khà ua\ ngan la 600 rbô tàm dùl lồ brê sề, ala\ hìu nha\ dờp brê sền gàr neh geh tai bơta nàng geh lơh niam broa\ atbồ sền gàr brê. Ồng Nguyễn Ngọc Xuân at bồ mpồl sền gàr brê bồ tô rơcang gàr Nam Cát Tiên đơs:“Broa\ lơh jàu brê sền gàr bơh mpồl neh geh mut lơh bơh lồi nam 2007 tus tu\ do bơh ala\ broa\ lơh 327, 661 bè bơcri bơtàu tơngguh brê mờ tu\ do geh lơh bal mờ broa\ lơh  jàu pria\ sền gàr brê. jat jơnau đơs bal, bơh tu\ geh pria\ bơh làng bol tu\ geh broa\ lơh jàu pria\ sền gàr brê den geh ai go\ gơguh ua\ ngan, neh pơ gồp bal  tơngguh bơta geh pria\ bơh cau geh  dờp sền gàr brê,  bơh hơ\ khi geh kơnòl rlau tàm broa\ lơh atbồ sền gàr brê, neh lơh bal mờ cau tờm brê, kung bè yal jơnau tơnggit mờ ala\ cau geh pơhìn lơh aniai  brê, nàng mpồl cau tờm brê geh broa\ lơh  di pal mo, tơmù gơbàn bơta aniai phan bơna brê”.

            Brê Nam Cát Tiên uă ngan rềp mìr, mơya ờ  ngan gơbàn aniai

            Broa\ atbồ sền gàr brê gam la broa\ lơh  kal ke ngan,  den ua\ ngan ala\ ba\ brê tàm Tây Nguyên gam gơbàn aniai tài bơh ua\ cau krơi is ngan. Broa\  dờp sền gàr brê ai tus làng bol tàm brê bồ tô rcang gàr Nam Cát Tiên, kơnhoàl Dak Rlấp, càr Dak Nông neh cèng wơl cồng nha bơh sơnrờp. Bơta do geh ai go\, dilah bơta kuơ geh tam pà di pal den brê geh sền gròi niam mờ bơtàu tơngguh.

                                                             Cau cih mờ yal tơnggit K’ Brọp