VOV4.K’ho – Di ngai cau kuet kơlte Việt Nam, ngai 18/4, ngai òr 15/04, mpồl lơh broă càr Dak Nông bơh mò Nguyễn Thị Ngọc Lệ kuang jat jơng atbồ anih duh broă làng bol càr Dak Nông, lam bồ neh tus còp mờ pà phan cau kuet kơlte gam bơsram mờ lơh broă tàm mpồl cau jơngo mat kơnhòal Cư\ Jut, anih kuet kơlte Hoàng Anh kơnhòal Cư\ Jut mờ anih tờm sền gàr mờ dong kờl mpồl bơtìan kơnhòal Dak Mil, càr Dak Nông. Tàm ală anih tus còp, mò Nguyễn Thị Ngọc Lệ neh lùp còp, pơn dờm cau kuet kơlte kis chờ hờp, pràn kơldăng mờ gơrờm bal mờ mpồl bơtiàn. Mò kung đơs niam ală cồng nha mờ ală mpồl neh lơh geh tàm broă bơto pơlam, dong kờl, dong cau kuet kơlte geh broă lơh, bơtàu tơnguh rài kis. Bè đah càr Dak Nông, den kung geh ală broă lơh kuơ màng, dong ală mpồl bơsong ală kal ke nàng pơnjat tai bơtàu tơnguh, gơs là anih pin dờn cau kuet kơlte in.

                                                                                                                                           Cau mblàng K' Duẩn.