VOV4.K’ho - Ngai òr (19/03), tàm ƀòn dờng Gia Nghĩa, UBND càr Dak Nông pơgồp bal mờ Tỉnh đoàn ơruh pơnu bơyai lơh dờp bal broă tam 1 tơmàn tòm chi.

                                                                  Rơlao 300 tòm chi geh ală cau tam

Mờ tơngu me “Tài dùl lơgar Việt Nam tơlir” broă lơh do neh hòi jà rơlao 200 nă kuang bàng, công nhân viên chức, đoàn viên, ơruh pơnu mờ làng bol kis tàm ƀòn dờng Gia Nghĩa tus bal dờp.

Tơnơ̆ mờ dơ̆ lam sồr, rơlao 300 tòm pơn gir jù neh geh ală cau tam tàm ală gơl gùng gơwèt ƀòn ơm kis pa Dăk Nur B, sơnah ƀòn Nghĩa Trung. Ồng Lê Trọng Yên, Phó Chủ tịch UBND càr Dak Nông pà gĭt, broă tam tòm chi bơh càr geh pơn jăt tai geh chồl pràn, hòi jà uă mpồl cau tàm mpồl bơtiàn tus bal.

Cau mblàng Ndong Brawl