VOV4.K’ho - Drim òr (09/12), HĐND càr Dak Nông khoă III, tơngai lơh broă bơh nam 2016 tus 2021 neh sơn đờm pơrjum dơ\ 11, sền wơl broă lơh jăt ală jơnau kờ` tơnguh bơtàu lơh sa mpồl bơtiàn bơh càr dê.

            Sơn đờm pơrjum HĐND càr Dak Nông khoă 11, tơngai lơh broă bơh nam 2016 tus 2021

Jăt jơnau yal bơh UBND càr, tàm nam 2020, càr gam geh bơta ring niam ngan tàm broă tơnguh bơtàu lơh sa mpồl bơtiàn, mờ khà gơguh lơh sa kờp du\ geh 6,12%, khà hìu rơ[ah gơmù rơlao 3,5%, rài kis làng bol pơn jăt tai geh chồl pràn.

Geh bơyai lơh tàm 2 ngai, bơh ngai 09 tus ngai 11 nhai 12, HĐND càr Dak Nông geh sền wơl, ring bal 12 jơnau yal, rơndăp broă lơh, rơndăp broă nghị quyết bal mờ ală jơnau yal ai geh gùng dà broă lơh ai broă tơnguh bơtàu lơh sa mpồl bơtiàn càr dê tàm nam 2021 mờ ală nam pơn jăt tai.

Kung tàm drim òr (09/12), Hội đồng Nhân dân càr Lâm Đồng khoă 9 bơyai lơh pơrjum dơ\ 17 – Hội đồng Nhân dân càr khoă 9, tơngai lơh broă bơh nam 2016 tus nam 2021.

                                     Pơrjum HĐND càr Lâm Đồng dơ\ 17, khoă 9

Tàm dơ\ pơrjum do, Hội đồng Nhân dân càr geh sền sơ wì, lơh nền 2, 3 tơngume kươmàng ngan. Hội đồng Nhân dân càr lam lơh jat ngan ngồn Nghị quyết pơrjum dờng Đảng bộ càr dơ\ 11, tơngai lơh broă bơh nam 2020 tus nam 2025 mờ ală nghị quyết tơngume nàng lơh gơlik bơnàng jă adat boh lam ai ală kấp, ală gah broă lơh tàm càr in lơh jat.

Hội đồng Nhân dân càr Lâm Đồng geh sền sơ wì, lơh nền ală jơnau kờ`, broă lơh, broă rơndap lơh dờng bơtàu tơnguh lơh sa mpồl bơtìan tơngai bơh nam 2021 tus nam 2025 mờ kơ nòl broă bơtàu tơnguh lơh sa mpồl bơtìan nam 2021.

Đơs mut pơrjum, Bí thư Tỉnh ủy, Chủ tịch Hội đồng Nhân dân càr, ồng Trần Đức Quận đơs nền, jat bơta đal git kơ nòl broă, broă lơh dipal mờ bơta pràn kung bè bơta geh ngan bơh càr dê, gàr niam lơh gơs ua\ ngan rlau jơh ală jơnau kờ` bơh broă rơndap lơh bơtàu tơnguh lơh sa mpồl bơtìan 5 nam, bơh nam 2021 tus nam 2025 mờ nam 2021, lơh bơnàng jă nàng lam lơh jat geh cồng nha Nghị quyết pơrjum dờng Đảng bộ càr dơ\ 11, tơngai lơh broă bơh nam 2020 tus nam 2025.

Cau mblàng ndong Brawl-K’ Duẩn