VOV4.K’ho - Ngai òr 13/03, tàm [òn drà Gia Nghiã, càr Dak Nông, gah Khoa học mờ công nghệ càr Dak Nông pơ gồp bal mờ hìu bơsram dờng Kinh tế - Luật, di hìu bơsram dờng dà lơgar [òn dờng Hồ Chí Minh neh bơyai lơh pơrjum jak chài “ Rơndap broă kuơ màng bơtàu tơnguh lơh sa suơn sre công nghệ cao càr Dak Nông dê.” Tàm dơ\ pơrjum, ală jơnau cribơyai ndrờm đơs Dak Nông geh uă bơta pràn, bơta kơp kờ` tàm broă bơtàu tơnguh lơh sa suơn sre công nghệ cao mờ ai tơlik tơngume kơ lôi sơ nơng bè rơndap broă kuơ màng bơtàu tơnguh lơh sa suơn sre công nghệ cao bơh càr Dak Nông dê tus nam 2020, wèt tus nam 2030. ală cua jak chài kung ai tơlik ală broă lơh mùl màl bè rơndap ù tiah lơh sa suơn sre công nghệ cao mờ jơnau kờ` bơtàu tơnguh tàm tơl tu\ tơngai, rơndap broă bơtàu tơnguh mpồl lơh sa kă bro gah suơn sre công nghệ cao, bơtàu tơnguh tiah lơh sa suơn sre công nghệ cao. Ală tơngume bè drà kă bro phan lơh gơs bơh suơn sre mut ngui công nghệ cao, rơndap broă bơt bơtàu mat sơnđăn kă bro phan lơh gơs pràn ngan càr Dak Nông dê mờ rơndap broă mblàng yal kung geh cribơyai bal.