VOV4.K’ho - Ngai òr (29/07), anih duh broa\ làng bol càr Dak Nông neh bơyai lơh tơnjơh broa\ lơh rcang, sơndra\ cau gơbàn tìs, tìs ờ niam tàm mpồl bơtìan mờ mut lơh srơh gùt làng bol sền gàr ngap lơngai dà lơgar. Dơ\ pơrjum ai git, 6 nhai do,  mpồl lơh broa\ geh gơnoar neh lùp khàu,  git go\ geh 237/276 dơ\ tìs lơh glài kup màng, kup 325 na\ cau, tơl khà rlau 86%, mìng is ala\ dơ\ gơbàn tìs dờng geh tus 100%, ntàu tam dra\ geh lơh bơsong geh 28 mpồl cau tìs, kup mờ lam sồr geh 77 na\ cau geh kơrnuat ting kup. Gùt càr kung geh wa\ 1.084 na\ cau, mờ 2.542 na\ cau tus ya\, geh jơnau kờ` đơs,  tàm hơ\ geh dờp mờ bơsong 127 dơ\ broa\. Tàm tơngai tus,  Dak Nông pơnjat tai lơh ngan tam dra\ mờ cau gơbàn tìs, bơsong yal ya\ yal khài bơh làng bol, pơ gồp bal sền gàr ngap lơngai ờ do ờ da\ mpồl bơtìan, geh sền wơl ala\ bơta ờ song,  gơ jra` is tàm rài kis mpồl bơtìan kờ` geh bơsong gờ`, ba` lời gơlik geh kal ke bè bơta sền gàr ngap lơngai, ờ do ờ da\.

                                                          Cau mblàng K’ Brọp.