VOV4.K’ho - Tơnơ\ 5 nam lơh jăt Nghị quyết pơrjum dờng Đảng bộ càr dơ\ 11 tơngai lơh broă bơh nam 2015 tus 2020, tus tu\ do càr Dak Nông neh klàs bơh dùl càr rơ[ah, ờ hềt tơnguh bơtàu.

Tàm tơngai tus, càr Dak Nông ai khà lơh ngan gơs càr tơl ngui tơl sa tàm nam 2025 mờ càr pas gơs tàm nam 2030 tiah Tây Nguyên dê. Di pơrjum dờng Đảng bộ càr Dak Nông dơ\ 12 geh bơyai lơh bơh ngai 14 tus 16 nhai 10.

Minh Huệ, cau ai tơng^t jơnau đơs Việt Nam tàm Tây Nguyên geh dơ\ lùp ồng Bùi Huy Thành, Ủy viên Ban thường vụ Tỉnh ủy, Trưởng ban Tuyên giáo càr Dak Nông bè tơngu me do.

-Ơ ồng! Nghị quyết pơrjum dờng Đảng bộ càr Dak Nông tơngai lơh broă bơh niam 2015 tus 2020 pa do geh ai khà tơgùm bal là tus nam 2020 ai càr Dak Nông l^k klàs mờ càr rơ[ah, ờ hềt tơnguh bơtàu. Bè hơ\ tus tu\ do càr neh lơh jăt geh khà broă neh ai do lah ờ ơ ồng?

Ồng Bùi Huy Thành: Tơnơ\ mờ 5 nam lơh jăt Nghị quyết pơrjum dờng Đảng bộ càr dơ\ 11, tus tu\ do neh geh tơl tơngu me nàng đơs, Đảng bộ, gơnoar atbồ bal mờ làng bol ală kòn cau tàm càr neh lơh gơs ală khà broă jăt Nghị quyết pơrjum dờng neh geh ai.

                            Càr Dak Nông neh klàs bơh mpồl càr geh rài kis rơ[ah

Bơta pràn đơng lam, bơta tàm tam dră bơh Đảng bộ geh gơguh; cồng nha atbồ, đơng lam bơh gơnoar atbồ ală cấp geh tơnguh uă. Rài kis lơh broă sa mpồl bơtiàn, rài kis làng bol geh gơguh loh làng; geh khà broă tơrgùm bal “Tus nam 2020, ai càr Dak Nông l^k klàs bơh dùl càr rơ[ah, ờ hềt tơnguh bơtàu”.

Bơta geh pơnrơ ngan tàm broă tơnguh bơtàu lơh broă sa là càr Dak Nông neh go\ gùng dà loh làng 3 bơta tòm tơnguh bơtàu: dùl là, broă lơh sa mờ măi mo\k bô xít – trà mờ năng lượng kloh niam; bàr là, lơh sa suơn sre ngui công nghệ cao jăt khà broă lơh geh kuơ mờ pe là nhơl chờ tàm tơngu me ală bơta kuơ bè trồ tiah, ù tiah, tàm hơ\ uă ngan là Công viên ù tiah gùt plai ù UNESCO Dak Nông.

Tàm 5 nam do, gơguh lơh sa càr geh 6, 15% (jăt khà pa); bơta dờng broă lơh sa gơguh 1,34 dơ\; GRDP tơl nă làng bol gơguh bơh 38 tơlăk 650 rơbô đong bồ tơngai lơh broă tus 52 tơlăk đong tàm nam 2020, l^k klàs bơh mpồl càr geh priă tơl nă làng bol ờ uă.

-Ơ ồng! Pơn jăt tai ală cồng nha neh lơh geh, tàm rơndăp broă jơnau yal chính trị tàm pơrjum Đảng bộ càr dơ\ 12, mpồl đơng lam khoă 11 neh ai khà broă mờ ală broă lơh pràn jo\ jòng lơi ai tơngai bơh nam 2020 tus 2025 bal mờ ală nam pơn jăt tai?

Ồng Bùi Huy Thành: Tàm tơngu me ai di bơta pràn, bơta geh mờ ală bơta pràn tơnguh lơh sa bơh càr dê, iăt ală jơnau đơng lam bơh Bộ Chính trị, Ban Bí thư, ală gah lơh broă, bộ, gah lơh broă dà lơgar; jơnau đơs pơgồp bal jơh nùs bơh làng bol dê, ală cau jăk chài, Mpồl đơgn lam khoă 11 neh ai khà broă tơnguh bơtàu càr Dak Nông tàm ală nam tus là:

“Tơnguh uă bơta pràn đơng lam bơh Đảng bộ; bơ\t bơtàu mpồl chính trị kloh niam, pràn kơl dang; tơnguh bồ tơngoh ngăc ngar, nùs nhơm kơ\p kờ` brồ guh bơh ală jơi bơtiàn kòn cau; lơh niam ală bơta geh, bơta pràn, ai càr Dak Nông tơnguh bơtàu mhar, kơl jăp; gàr niam bơta lơngăp lơngai dà lơgar; lơh ngan gơs càr tơl ngui tơl sa tàm nam 2025 mờ càr tơnguh bơtàu pas gơs tàm nam 2030 tiah Tây Nguyên dê”.

Hìu măi Alumin Nhân Cơ pơgồp bal tàm broă lơh geh tiah lơh sa mờ măi mo\k bô xít – trà gơs 1 tàm 3 tiah tòm lơh sa càr Dak Nông dê

Mờ càr ai nùs nhơm wèt broă lơh jpràn, o\ jòng: tus nam 2030: bơ\t bơtàu càr Dak Nông gơs càr tơnguh bơtàu broă lơh sa pràn mờ kơl jăp tiah Tây Nguyên dê. Tus nam 2045: Càr Dak Nông gơs càr tơnguh bơtàu tiah Tây Nguyên dê, geh khà priă tơl nă làng bol uă rơlao mờ bè ờs bal gùt lơgar dê. Càr kung ai 3 broă lơh pràn jo\ jòng tàm tơngai tus là:

(1) Tơnguh pràn tiah bơcri priă kă bro, lài ngan là chồl pràn broă lơh niam sră nggal; tơnguh uă bơta pràn tàm pơrlòng, tam gơl pa hòi jà bơcri priă, bal mờ mpồl lơh sa kă bro; hòi jà, atbồ mờ ngui geh cồng nha ală bơta pràn nàng tơnguh bơtàu.

(2) Bơ\t bơtàu broă lơh, bơta tòm là gùng lòt, ai lài bơcri priă lơh, pờ ơnàng gùng lòt geh kuơ tàm dơlam càr dê, tơrbo\ bal mờ ală anih nhơl chờ bal mờ broă bơ\t bơtàu tiah tòm [òn drà. Chồl pràn rơndăp broă lơh gùng ntoăt jờl Tây Nguyên mờ [òn dờng Hồ Chí Minh (gơl bơh [òn dờng Gia Nghĩa tus [òn dờng Hồ Chí Minh) kờ` geh lơh, lơh gơs di tơngai, dan mờ Dà lơgar gờ` lơh gùng rơndeh ồs Dak Nông – Chơn Thành (càr Bình Phước); pờ ơnàng gùng 28.

(3) Tơnguh bơtàu cau lơh broă, bơta tòm là bơto mờ hòi jà cau lơh broă geh bơta niam uă tàm mpồl chính trị, tàm hơ\ uă ngan là kuang bàng đơng lam, atbồ mờ cau lơh broă tàm ală gah broă là gah lơh broă tòm ai broă tơnguh bơtàu càr dê.

-Ơi, ală nam do mpồl bơtiàn gùt lơgar sền gròi ngan tus mờ broă lơh bô xít tàm càr Dak Nông đơs is mờ Tây Nguyên đơs bal. Tus tu\ do, rơndăp broă lơh Alumin Nhân Cơ tàm càr Dak Nông neh geh ală cồng nha, pơgồp bal kuơ màng tàm broă ai geh 1 tàm 3 bơta tòm pràn broă lơh sa càr dê. Ồng gơtùi pà g^t loh rơlao tai bè gah lơh sa mờ măi mo\k do tàm càr Dak Nông?

Ồng Bùi Huy Thành: Broă ai hìu măi Alumin Nhân Cơ lơh broă bơh lồi nam 2016 mờ lơh jăt broă lơh hìu măi lơh trà Dak Nông, tiah lơh sa mờ măi mo\k Nhân Cơ 1, 2, càr Dak Nông neh rơhời lơh gơs rùp rài tiah lơh sa mờ măi mo\k trà dà lơgar dê tàm tơnơ\ do.

Hìu măi Alumin Nhân Cơ ờ mìng pơgồp bal tàm broă gơguh lơh sa, tă tàm kes priă dà lơgar mờ neh ai geh broă lơh tơn di pơgăp 1 rơbô 100 nă cau lơh broă, gơrềng niam ngan tus mờ broă tam gơl broă lơh sa, broă lơh tàm càr in. Broă gơrềng niam do geh loh làng rơlao tu\ rơndăp broă lơh hìu măi điện phân  trà lơh broă tàm tơngai tus.

Ală cồng nha neh lơh geh pà go\, do là dùl gùng dà broă lơh di pal ngan bơh Đảng Dà lơgar dê, cèng geh cồng nha tơrgùm bal jơh bè broă lơh sa mpồl bơtiàn, gàr niam bơta lơngăp lơngai dà lơgar, pơgồp bal kuơ màng tàm broă tam gơl muh măt tiah Tây Nguyên dê.

Tàm tơnguh me jơnau sền wơl jơh tơl ală bơta, di pal, Đảng bộ càr neh ai broă tơnguh bơtàu lơh sa mờ măi mo\k Alumin, lơh trà pơgồp bal mờ năng lượng lơh geh wơl là bơta tòm tơnguh bơtàu lơh sa kuơ màng càr Dak Nông dê.

Tềng đăp măt càr gam tơrgùm chồl pràn, dong kờl mpồl lơh sa kă bro bơcri priă gờ` ai hìu măi lơh trà Trần Hồng Quân lơh broă; lơh gơs tiah lơh sa mờ măi mo\k Nhân Cơ 2 nàng hòi jà ală rơndăp broă bơcri priă lơh broă lơh drơng ala mờ dong kờl lơh broă nàng ai geh lơh trà, lơh ală phan tơnơ\ mờ trà. Mờ dan mờ Dà lơgar pờ ơnàng bơta pràn hìu măi Alumin Nhân Cơ lơh broă; kơlôi sơnơng, bơcri priă lơh bô xít, lơh Alumin, điện phân trà tàm xã Quảng Sơn, kơnhoàl Dak Song.

Càr Dak Nông geh bơta kuơ mờ bơta geh uă bè bô xít. Broă lơh geh cồng nha phan geh is do ờ mìng rơhời dong kờl tam gơl broă lơh sa, mờ gam wèt tus broă bơ\t bơtàu càr Dak Nông gờ` gơs tiah tòm lơh sa mờ măi mo\k trà dà lơgar dê.

-Ơi, dan ưn ngài ồng uă ngan!

Cau cih Minh Huệ-Cau mblàng Ndong Brawl