VOV4.K’ho – Mho òr (05/10) lơh broă sùm Mpồl duh broă ala mat làng bol càr Dak Nông bơyai lơh pơrjum làm gah sền mờ đơs, ai mờng chài pơrjum dơ\ 11 mờ ringbal tơngume, tơngai bơyai lơh pơrjum dơ\ 12, Mpồl duh broă ala mat làng bol càr Dak Nông kơnă 2. Jat jơnau đơs bơh lơh broă sùm Mpồl duh broă ala mat làng bol càr Dak Nông, pơrjum dơ\ 11 neh bơyai lơh geh cồng nha, lơh geh uă cồng nha bè uă gah. Pơrjum neh sền sơwì ringbal 9 Kơrnuat mờ 16 jơnau yal bơh Mpồl duh broă ala mat làng bol càr, Anih duh broă làng bol càr mờ ală gah broă lơh geh gơrềng yal, geh bơta ringbal uă bơh ală kuang bàng tus bal pơrjum. Bơdìh mờ ală cồng nha lơh geh, pơrjum dơ\ 11 kung gam ờ uă tơngume ờ niam, pal ai geh mờng chài bè broă lùp mờ hơ jơnau lùp kung gam tơrgùm uă ngan tàm ală kuang bàng lơh broă sùm mờ ngai sơlơ gơmù; tơngume lùp mờ hơ jơnau lùp ờ hềt tam gơl uă, mìng ơm tàm broă ai jơnau đơs, jơnau yal. Pơrjum neh ringbal, pơrjum dơ\ 12, Mpồl duh broă ala mat làng bol càr Dak Nông kơnă 2 kờp du\ geh bơyai lơh tàm 3 ngai, bơh ngai 8 tus ngai 10 nhai 12 tus do.

                                                                    Cau cih mờ yal tơngit K’ Duẩn