VOV4.K’ho – Mang òr nau 4-6, tàm [òn drà Gia Nghĩa, Mpồl kơnòm pa tàu lam lài HCM càr Dak Nông bơyai lơh pơrjum sau gơlòng sồr Bác Hồ dơ\ 3 nam 2015. Tàm 5 nam do, brồ guh nùs nhơm “ sơnam dềt nùs nhơm dờng”, rlau 120.000 nă oh tàm mpồl kơnòm dềt, kơnòm pa tàu càr Dak Nông neh jơh nùs tus bal ală srơh bè “ Kis git jơnau git adat”, “ Hùc dà kah tô dà”, “ Guàng tê gơp bơyô”, “ Dong bơyô tus hìu bơsram” mờ lơh geh uă cồng nha pal geh pơnjờng ngan. Dơ\ sơ rờp geh tus bal pơrjum sau gơlòng sồr Bác Hồ mờ cồng nha bơsram jak nam bơsram 2014 – 2015, oh Nguyễn Ngọc Triệu Vy, geh jơng tàm mpồl đơng lam mpồl kơnòm dềt, kơnòm pa tàu hìu bơsram kai 2 Nguyễn Tất Thành, kơnhòal Cư Jut pà git: “ Oh go\ chờ hờp ngan, pơn ìơ să ngan, bol oh neh lơh ngan bơsram sră, pơlam tàp mờ tă pơgồp ală phan bơna bè àu mpha, sră pơàr nàng dong kờl ală bơyô tàm tiah sar lơgar ngài. Mờ bơta kơp kờ` ală gơp bơyô lơh ngan uă rlau tai. Tus bal pơrjum do, oh bal mờ ală bơyô geh lơh ngan, lơh geh uă cồng nha niam rlau, tam klac bal, jơh nùs tus bal ală broă lơh bơh mpồl dê, hìu bơsram mờ ơdu\ bơsram dê, dipal mờ khà jờng sau gơlòng sồr Bác Hồ mờ cau tờm rơnàng tơnơ\ do dà lơgar dê.”