VOV4.K’ho - Gơrềng tus mờ dơ\ gơtìp rềs àr tàm gùng lòt lơh 5 nă cau chơ\t mờ 5 nă cau gơtìp sồt să jroă tàm drim ngai 13 nhai 6 lài do tàm gùng Hồ Chí Minh gơl lòt gan drà 312, xã Dak Rla, kơnhoàl Dak Mil, càr Dak Nông, tơnơ\ mờ 3 ngai tơn jơh lùp khào tềng tiah gơtìp rềs àr, drim òr (17/6), kuang àng kơnhoàl Dak Mil neh tơl^k kơrnoăt yă dơ\ lơh tìs, yă cau tìs mờ lơh jăt jơnau jàm ing gơwèt mờ cau măi rơndeh Ngô Văn Bền, 27 sơnam, kis tàm càr Cà Mau kờ` lùp khào lơh glài bè tìs “Tìs mờ kơrnoăt măi rơndeh lòt tàm gùng ù gờl lơh gơbàn aniai uă”.

Hoàc huơr bơh dơ\ rềs àr neh lơh 5 nă cau gơtìp chơ\t mờ 5 nă cau sồt să jroă pal mu\t piam tàm hìu sơnơm; tàm hơ\ geh 3 nă cau chơ\t tơn tềng tiah gơtìp rềs àr, 2 nă cau chơ\t lài mờ tu\ tus hờ hìu sơnơm.

Broă do gam geh anih lơh broă geh gơnoar tàm càr Dak Nông pơn jăt tai lùp khào, lơh glài nền nòn di jăt mờ kơrnoăt tàm adăt boh lam dê.

Cau mblàng Ndong Brawl