VOV4.K’ho – Lơh ngan bơsram tàm broă lơh, bơceh pa mờ jăk chài tàm broă ròng iar Lương Pượng mờ broă lơh pa, hìu nhă bi Phạm Văn Chử kis tàm ntum Ea Nam, kơnhoàl Ea H’ Leo, càr Dak Lak lơh geh uă priă pah nam. Broă lơh do gam geh ală cau tàm [òn lơh jăt mờ geh cồng nha niam.

Nam 2004, hìu nhă bi Phạm Văn Chử, kis tàm [òn Riêng, ntum Ea Nam, kơnhoàl Ea H’ Leo càn 40 tơlăk priă bơh anih priă jền lơh sa mờ tơnguh bơtàu [òn lơgar kơnhoàl Ea H’ Leo kờ` ròng iar Lương Phượng. Ală iar ròng sơnrờp, tài ờ g^t, den tàng iar gơtìp chơ\t di pơgăp 1/4, priă cồng ờ geh uă. Geh bơta do là tài broă lơh ram iar in mờ [ong đèng ờ di pal, lơh khà iar gơtìp chơ\t uă, cồng nha ròng ờ uă.

Lơh ngan mờ broă ròng iar, sền sră bơto, jòi ală jơnau tơng^t tàm internet, bi Phạm Văn Chử go\ tàm kơnhoàl Yên Thế, càr Bắc Giang geh broă lơh ram iar mờ bơnhă ồs geh cồng nha. Bơsram bơh broă lơh do, bi neh bơcri 300 tơlăk priă kờ` lơh 2 nơm wàng ròng iar tàm ù tiah ơnàng 1 rơbô thơ\k kơre. Broă crăp gùng ding lơh duh mờ găc geh lơh gùt dar tàm tiah bơnàng sơmăng. Bơta is geh bi lơh niam wơl là lơh bơnhă ồs do tàm wàng tơn, kờ` geh ram jơh. Bi Phạm Văn Chử đơs: “A` sền tàm hơ\, rê kơlôi sơnơng mờ lơh ndrờm bal bè wa hơ\ neh lơh bơnhă ồs hờ bơdìh wàng iar, mơya a` ờ lơh hờ bơdìh mờ lơh tơn tàm wàng kờ` ngui jơh bơta duh, bơta ram, bơta duh broă uă den he geh ngui jơh, dơ\ 2 tai là a` lơh niam wơl jăt mờ wa hơ\ dê là ding geh `hoa rơlao mờ broă ờ ndrờm bal bơh anih chu tus mờ anih kờ` geh ram di pơgăp 50 phơng, bè hơ\ là `hoa rơlao 2 dơ\, bơta pràn geh uă rơlao mờ ờ geh `hu\ tàm wàng tơl niam ờ geh `hu\ mờ geh tơl bơta duh, ram”.

Bi Phạm Văn Chử gam tuh phan sa iar in

             Bi Chử pà g^t, broă lơh ram iar kòn in mờ ding duh tàm tiah bơnàng sơmăng geh cồng nha loh làng ngan; khà iar sơntìl gơtìp chơ\t ờ uă ngan, mìng geh bơh 3 tus 5%. Mờ broă lơh wàng ơnàng 1 rơbô thơ\k kơre, pah nhai, hìu nhă bi Chử tăc geh 5 rơbô nơm, mờ bơta `jơ\ 12 tấn iar poăc, geh priă cồng mờr 100 tơlăk priă. Bal mờ priă geh bơh broă tăc iar poăc, hìu nhă bi Chử gam ngui phơng iar kờ` sih phan tam in; suơn kơphe, tiêu tàm hìu nhă bi sùm geh cồng nha tơnhào uă.

Go\ broă ròng iar Lương Phượng mờ broă lơh ram mờ ding duh bơh broă sing ồs hìu nhă bi Chử dê neh geh cồng nha uă, geh ờ uă hìu nhă làng bol gùt dar kung neh bơsram mờ đòm jăt bal. Mùl màl bè hìu nhă bi Nguyễn Minh Thu, kis tàm [òn 1, ntum Ea Khal, kơnhoàl Ea H’ Leo kung neh geh cồng nha bơh broă ròng iar bè do sơl. Mpồl iar sơnrờp ngan mờ 2 rơbô nơm gam rơcang tăc, bi Nguyễn Minh Thu đơs: “Go\ broă ròng iar bè do ờ kal ke, mơya geh uă priă, geh cồng nha broă lơh sa kung di ngan, den a` kung đòm jăt mờ broă lơh bi Chử dê sơl, broă lơh do den a` pa geh lơh, den tàng kung ờ uă sơl, tàm pơgăp 2 rơbô nơm”.

Jăt mpồl cau lơh sa bal ntum Ea Nam, kơnhoàl Ea H’ Leo yal, tu\ do khà iar Lương Phượng geh hìu nhă bi Phạm Văn Chử bal mờ ờ uă hìu ndai ròng tàm kơnhoàl do ndrờm geh cau tus blơi jơh tơn. Broă kờ` poăc iar tàm drà kă bro geh uă, mơya làng bol tàm do ờ hềt geh lơh uă. Bơh tàm broă ròng iar Lương Phượng mờ broă lơh ram mờ ding duh geh sing bơh ồs lòng hìu nhă bi Chử dê, geh ờ uă cau tàm mpồl cau lơh sa bal kung neh lơh jăt bal mờ geh cồng nha niam. Tàm tơngai tus, mpồl cau lơh broă sa bal ntum do lam sồr làng bol tus bal bơsram kờ` tơnguh uă broă ròng iar bè do. Ồng Phạm Trường Sơn, kuang jăt jơng atbồ mpồl cau lơh broă sa ntum Ea Nam, kơnhoàl Ea H’ Leo đơs: “Tu\ do, sơntìl iar Lương Phượng do geh poăc bơkah ngan, tàm 1 nhai mờ tăc geh rơlao 10 tấn iar, mơya kung gam ờ tơl sơl tus mờ drà kă bro. Tàm ntum bol a` geh bơyai lơh ală dơ\ pơrjum kờ` yal bal, tơnguh broă ròng iar bè do làng bol in jăt mờ bi Phạm Văn Chử dê sơl”.

Cau mblàng Ndong Brawl