VOV4.K’ho -  Ngai òr 17/03, ồng Nguyễn Hải Ninh kuang jăt jơng atbồ anih duh broă càr Daklak neh geh dơ\ tìp mờ lơh broă mờ mò Kiyo Rokutanda kuang atbồ gah gùng dră bal anih ala mat lơgar Nhờk tàm lơgar Việt Nam bè broă tơnguh bơtàu lơh sa-gùng dră bal-mpồl bơtiàn tàm càr Daklak. Tàm dơ\ wă, ồng Nguyễn Hải Ninh neh tơrgùm yal bè broă tơnguh bơtàu lơh sa-mpồl bơtiàn càr Daklak dê mờ ală rơndăp broă bơcri priă bơh lơgar Nhờk tàm càr Daklak. Tus tu\ do, lơgar Nhờk geh di pơgăp 30 rơndăp broă ODA bơcri priă tàm càr Daklak ală gah gùng lòt, dà ngui sa, hìu bơsram mờ 6 khà priă dong kờl gùng lòt, ồs đèng, dà ngui sa, tơnguh bơtàu [òn lơgar. Bu\ lah bè hơ\, khà priă bơcri tus mờ ală rơndăp broă ờ uă mờ cồng nha cèng wơl ờ hềt uă. Càr Daklak kơ\p kờ` tàm tơngai tus, lơgar Nhờk tơnguh broă lơh bal bơcri priă lơh sa mờ càr uă rơlao tai, kuơ màng ngan là tàm gah tơnguh bơtàu lơh sa suơn sre, lơh sa mờ măy mo\k lơh gơs phan ngui sa mờ nhơl chờ tài lơgar Nhờk là lơgar geh broă lơh sa suơn sre mờ măy mo\k pa, lơh sa mờ măy mo\k, nhơl chờ tơnguh bơtàu.