VOV4.K’ho - Ngai 13/4, tàm hìu pơrjum ngai 2 nhai 9 [òn dờng Pleiku, càr Gia Lai, mpồl đơng lam Đảng càr Gia Lai kơnă 14 bơyai lơh pơrjum dơ\ 21 nàng sền mờ đơs bè broă lơh 3 nhai bồ nam 2015 mờ cribơyai broă mut lơh kơnòl broă bơh nhai 4 tus nhai 6 nam 2015. Đơs tơnjơh pơrjum, ồng Hà Sơn Nhin kuang geh jơng tàm mpồl đơng lam Đảng dà lơgar, kuang atbồ đơng lam Đảng càr tơngkah ờ uă kơnòl kuơ màng pơnjat tai đơng lam tàm tơngai tus. Jat mờ hơ\, tơrgùm sơndră trồ prang soat dà, kờp tơrgùm hoàc huơr mờ geh broă lơh dong kờl làng bol in; sơlơ tơnguh rlau tai broă atbồ, sền gàr brê; pơnjat tai chồl pràn broă tam gơl sră nggal lơh broă dà lơgar, rơcang niam ală bơta tus mờ dơ\ pơrlòng jơh bơsram kai 3 geh bơyai lơh tàm càr Gia Lai. Ồng Hà Sơn Nhin đơs tờm, Pơrjum Đảng ală kơnă là dơ\ pơrjum gùng dră bal dờng, den tàng tơngai tus pal tơrgùm rơcang niam ală bơta mờ bơyai lơh pơrjum Đảng ală kơnă di mờ kơrnuat Đảng, song dơpă, lơh tờm, wèt tus pơrjum geh cồng nha mpồl Đảng càr Gia Lai kơnă 15.

                                                                                                                                     Cau mblàng K’ Duẩn.