VOV4.K’ho – Ală ngai do, tàm anih lơh broă bơh rơndap broă lơh niam mờ rề ơnàng [làng rơndeh par Pleiku, git nđờ rhiang nă cau lơh broă gam jal mhar lơh broă sùm mang mờ ngai. Ală mpồl lơh broă geh gơ rềng gam lơh ngan nàng chồl mhar tơngai mut lơh, mhar mut ngui [làng rơndeh par, drơng jơnau kờ` lòt rê làng bol dê. Mờ ală broă lơh ngan bơh ală mpồl lơh broă geh gơ rềng dê, tơngai dơ\ 1 bơh rơndap broă dê neh lơh gơs tàm bồ nhai 3 pa do, lài mờ tơngai pơrgon 3 nhai. Mơya tu\ mut lơh tơngai dơ\ 2, broă mut lơh rơndap broă gơtìp ơm ing tài ờ uă kal ke tàm broă ai ù. Pa do, tàm dơ\ lòt sền tơngai mut lơh rơndap broă, ồng Đinh La Thăng kuang atbồ Gah gùng lòt mờ pơndiang phan dà lơgar sồr ală mpồl lơh broă geh gơ rềng pal git bè bơta trồ tiah mờ pơgồp bal chồl mhar tơngai mut lơh, lơỳai ngan rlau jơh là ngai 1/10/2015 pal mut ngui wơl [làng rơndeh par Pleiku. Mờ jơnau kờ` lơh jơh ală bơnah broă lơh tờm lài mờ tu\ Tây Nguyên mut tàm nhai mìu mờ lơh jơh rơndap broă jat jơnau đơng lam, ồng Nguyễn Trọng Hải kuang atbồ [làng rơndeh par Pleiku pà git: “ Geh bơta đơng lam bơh kuang đơng lam bồ Mpồl lơh sa kă bro [làng rơndeh par Việt Nam, mpồl atbồ rơndap broă pơgồp bal mờ cau tờm bơcri priă chồl mhar tơngai mut lơh rơndap broă, tơnguh khà dơ\ lơh broă, tơnguh phan bơna, mai\ mok, tơr gùm phan bơna…chồl mhar tơngai mut lơh, lơh ngan tơmù lơyah tơngai mut lơh. Dilah trồ tiah buơn bùai, digơlan tàm nhai 10 tus do geh mut ngui nàng drơng jơnau kờ` lòt rê làng bol dê tàm nam 2015”.

                                                                                        Cau mblàng K’ Duẩn.