VOV4.K’ho - Mpồl sền gàr niam ờ do ờ dă tàm gùng lòt càr Gia Lai neh geh sră nggal pơyoa tus ală cau tàm mpồl lơh broă sền gàr niam ờ do ờ dă tàm gùng lòt càr mờ mpồl sền gàr niam ờ do ờ dă tàm gùng lòt ală kơnhoàl tàm dơ\ pơlòng jơh bơsram kai 3 dà lơgar mờ pơlòng rơwah mu\t bơsram tàm hìu bơsram dờng, hìu bơsram cao đẳng nam 2016. Jăt mờ hơ\, mpồl sền gàr niam ờ do ờ dă tàm gùng lòt càr dan mờ gah gùng lòt mờ pơn diang phan càr geh broă đơng lam bơyai lơh pơn diang, ai tơnguh rơndeh kờ` drơng niam broă lòt rê ală kơnòm bơsram bal mờ cau mè, cau bèp kơnòm bơsram tàm dơ\ geh bơyai lơh pơlòng; đơng lam broă tăc vé geh [uơn niam, lam sồr ală anih lơh sa kă bro pơn diang năc geh broă tơmù priă, dong kờl broă lòt rê ai ală kơnòm bơsram geh rài kis kal ke, kơnòm bơsram là oh kòn hìu nhă geh sră dong kờl bơh dà lơgar. Sền gròi broă lơh jăt ală kơrnoăt bè tơl niam ờ do ờ dă tàm gùng lòt mờ broă kă bro tàm ală [làng rơndeh ơm, ală mpồl kă bro pơn diang năc, lơh glài nền nòn ală mpồl ală cau lơi tìs; sền gròi nền nòn ală broă tơnguh khà priă, rồn bơklơn cau đì rơndeh, tơnguh priă ờ di pal.

Cau cih mờ yal tơng^t Ndong Brawl