VOV4.K’ho - Broă kơnòm bơsram sơbì bơsram gơl^k geh wơl tàm càr Gia Lai tàm nam bơsram do mờ gơbàn kal ke rơlao tu\ geh rơlao 1 rơbô 800 nă kơnòm bơsram, tơnguh di pơgăp 150 nă jăt mờ tu\ do nam lài. Tàm hơ\, geh uă ngan là kơnòm bơsram kòn cau.

          Jăt jơnau yal bơh Gah bơto bơtê mờ bơsram càr Gia Lai yal, geh uă bơta lơh kơnòm bơsram sơbì bơsram, ờ lòt bơsram. Tàm hơ\, bơta tòm geh bơh nùs nhơm g^t wă gam ờ uă bơh cau mè, cau bèp kơnòm bơsram dê bè bơta kuơ bơh broă ai oh kòn in lòt bơsram, den tàng ờ gơtùi lam sồr oh kòn lòt bơsram. Bơdìh hơ\ tai, tài trồ prang lơh aniai, kàl lơh sa ờ geh tơnhào, uă kơnòm bơsram ờ lòt bơsram kờ` lòt lơh broă ơpah dong kờl hìu nhă; tu\ lòt bơsram wơl neh ờ jai jăt jơnau bơsram, den tàng dil, hơ\ sồng ơm tơn ờ lòt bơsram. Bơdìh hơ\ tai, broă bao gờ` tàm uă tiah sar lơgar ngài càr do dê gam geh uă, den tàng neh lơh gơmù khà kơnòm bơsram sơbì bơsram sơlơ kal ke… Mò Trần Thị Thu Hà, kuang atbồ anih lơh broă Gah bơto bơtê mờ bơsram càr Gia Lai pà g^t, gah bơto bơtê mờ bơsram càr Gia Lai neh bơyai lơh pơrjum cri bơyai kờ` jòi geh ală broă lơh di pal tus mờ bơta do mờ geh broă lơh geh cồng nha rơlao tàm tơngai tus: “Gah bơto bơtê mờ bơsram geh pơgồp bal nền nòn mờ gơnoar atbồ ală kơnă, ală mpồl lơh broă, hòi jà kơnòm bơsram lòt bơsram wơl, lam sồr kờ` tơnguh jơnau g^t wă kơnòm bơsram bal mờ cau mè, cau bèp kơnòm bơsram in, Gah bơto bơtê mờ bơsram càr kung neh sồr ală anih lơh broă bơto bơtê mờ bơsram ală kơnhoàl bơyai lơh oh mi bal mờ ală hìu bơsram [uơn mờ hìu bơsram kal ke kờ` geh broă dong kờl bè sră măy, sră cih, ào mpha, priă bơsram, phan sa ai kơnòm bơsram geh rài kis kal ke in, pờ tai ală ơdu\ bơsram ơm ngai tơn, ai tơl bơta niam kờ` kơnòm bơstam iang nùs bơsram sră… den hơ\ là ală broă lơh kuơ màng mờ Gah bơto bơtê mờ bơsram càr neh ai mờ sồr tàm tơngai tus, tơmù uă ngan broă kơnòm bơsram sơbì ờ lòt bơsram”.

         Cau cih mờ yal tơng^t Ndong Brawl