VOV4.K’ho - Tu\ do, càr Gia Lai  geh pơgap di 12 rơbô na\ cau kong gơbàn aniai bơh sơnơm khih dioxin lơh aniam mờ 3 rơbô na\  cau la cau aniai bơh sơnơm khih dioxin. Broa\ lơh  “Dong kờl cau gơbàn sơnơm khih dioxin ala\ càr tàm Tây Nguyên mờ Tây Ninh” geh mut lơh tàm càr Gia Lai bơh nam 2011 tus tu\ do. Tàm 5 nam do,  mpồl dong kờl  sơnơm  tơm ba phan bơna Việt Nam càr Gia Lai neh dong rơlau 1.600 cau gơbàn sơnơm khih dioxin lơh aniai tàm gùt càr bơh 2 broa\ lơh la  reh lơh niam wơl sa\ ja`  mờ dong kờl lơh broa\ sa. Pơn jat hơ\,  broa\ reh lơh niam wơl sa\ tus mờr 100 na\ cau gơbàn kan ơwa` jơng tê lòt rê. Bal mờ hơ\, geh rơhiang na\ cau gơbàn sơnơm khih dioxin aniai ndai geh kham sền gàr sa\ ja`,  geh ai tus tàp nàng gơtùi bè ờs sa\ ja` mờ rơlau 600 na\ cau aniai ndai geh  dong pà ròng kơnrồ deh kòn, lơh geh anih lơh sa hìu nha\.  Tơnơ\ geh dờp bơta kuơ bơh lơh sa, rơlau 70% cau gơbàn geh reh sa\ lơh niam wơl neh geh bời niam, rơlau 600 nơm  kơnrồ me neh deh kòn tus 800 nơm.

          Cau cih mờ yal tơnggit K’ Brọp