VOV4.K’ho – Kòp mprơm gơlik mhàm gam gơbàn uă ngan tàm Tây Nguyên, mìng is càr Gialai tàm 2 ngai do, neh geh rơlau 600 nă cau gơbàn kòp mprơm gơlik mhàm tus sơm kòp tàm ală hìu sơnơm tàm càr, gơguh mờr 8 dơ\ pơn drờm mờ tơngai bal bơh nam lài dê. Bơta pal đơs là kòp mprơm gơlik mhàm neh bơ tờp tàm 86 ntum bơh jơh ală kơnhoàl, [òn drà, [òn dờng bơh càr dê. Tàm hơ\, [òn dờng Pleiku mờ kơnhoàl Krông Pa là 2 tiah geh khà cau gơbàn kòp uă ngan rlau jơh, mờ rlau 280 nă cau sơm kòp tàm ală hìu sơnbơm. Bác sĩ Võ Gia Bắc, kuang jat jơng atbồ anih tờm lơh sơnơm rơcang gàr lài càr Gialai pà git, do là nam dơ\ 2 sùm kòp mprơm gơlik mhàm gơguh uă. Gah lơh sơnơm càr gam lơh ngan mut lơh ală broă lơh kơryan kòp bè [ồm sơnơm lơh kloh kòp, mblàng yal, lam sồr làng bol gàr kloh niam tiah kis, gơ sơt kih dà.

                                                     Cau cih mờ yal tơngit K’ Duẩn