VOV4.K’ho – Lùp sền Gah bơt bơtàu càr Gialai pa tơlik kơrnuat lơh glài mờ priă tus mờ mpồl lơh sa kă bro bal mờ mai\ mok hìu mai\ pờ tơlik ồs đèng Bảo Long Gialai mờ ờ uă mpồl lơh sa kă bro là mpồl mblàng pơlam, sền gròi, mpồl mut lơh hìu mai\ pờ tơlik ồs đèng Ia Krêl 2 tài gơrềng tus broă 2 dơ\ tơrlah bơtơt dơng dà hìu mai\ pờ tơlik ồs đèng. Jat ală kơrnuat do, cau tờm bơcri priă, mpồl lơh sa kă bro bal mờ mai\ mok hìu mai\ pờ tơlik ồs đèng Bảo Long Gialai gơtìp lơh glài 90 tơlak priă tài ală tìs: mut lơh broă lơh tu\ ờ hềt geh sră ai gơnoar mut lơh, ờ đơng lam di tu\ kờ` gàr niam tơngai mut lơh broă lơh, ờ mut lơh di jơnau sồr bè pơlam, sền gròi broă lơh. Mpồl lơh sa kă bro bơcri priă bơt bơtàu Btranco-5 là mpồl mut lơh gơtìp lơh glài 40 tơlak priă tài mut lơh tu\ ờ hềt geh sră ai gơnoar lơh broă, jàu ai mut ngui ờ ngan ngồn broă lơh. Mpồl lơh sa kă bro pơlam bơt bơtàu Trí Việt là mpồl sền gròi bơt bơtàu gơtìp lơh glài 50 tơlak priă tài ală tìs ờ mut lơh broă pơlam, sền gròi broă lơh; jàu ai ngui ờ ngan ngồn broă lơh.

             Cau cih mờ yal tơnggit K’ Duẩn.