VOV4.K’ho – Tơngai pa do, rềs àr gùng lòt tàm càr Gia Lai gơguh uă, ngan là tàm tiah [òn lơgar. Bơta do pơnjat tai gơlik geh tàm ală ngai ơm rlô chờ pa do, tu\ geh git nđờ jơt nă cau tàm tiah [òn lơgar pal mut tàm hìu sơnơm. Jat hìu sơnơm càr Gia Lai, mìng tàm 1 poh do, gah sơm kòp jal mhar hìu sơnơm neh dờp mờr 183 nă cau gơtìp rềs àr sồt să, rlau 100 nă cau tàm khà hơ\ sồt să tài rềs àr gùng lòt, gơguh 10 nă pơndrờm mờ poh lài hơ\. Mùl màl ală cau mut sơm tàm hìu sơnơm ai go\, bơdìh mờ khà rơndeh rơndồ tàm gùng gơguh uă tàm dơ\ ơm rlô chờ ngai 30/4 mờ 1/5, rềs àr gùng lòt tàm càr Gia Lai gơlik geh tài ală jơnau neh geh dờp git bơh jo\, mơya bơsong ờ hềt geh cồng nha, ngan là tàm tiah [òn lơgar. Ồng Trần Đình Vỹ ơm tàm kơnhòal Cư Pưh, cau gam ròng 3 nă kòn gơtìp rềs àr gùng lòt, mut tàm hìu sơnơm bơh mang ngai 2/5 đơs là, khà rơndeh rơndồ lòt tàm gùng gơguh uă mhar ngan, mờ gùng lòt tàm [òn lơgar den lơyaì geh rề ơnàng, là jơnau tờm ngan bơh bơta do dê.

                                                                                                                                             Cau mblàng K’ Duẩn.