VOV4.K’ho – Di tơngkah 125 nam ngai deh Bác Hồ, ngai òr, mpồl đơng lam Đảng càr Gia Lai bơyai lơh pơrjum tơn jơh 4 nam lơh jat kơrnuat sồr sồ 3 bơh Gah gùng dră bal dà lơgar kơnă 11 bè pơnjat tai chồl pràn broă bơsram mờ lơh jat ơnà jak Bác Hồ. Bơh 4 nam lơh jat kơrnuat sồr sồ 3 bơh Gah gùng dră bal dà lơgar dê, ală kơnă Đảng, gơnoar atbồ, gah tề lam gùng dră bal mờ mpồl bal càr Gia Lai neh geh ală tơngume, broă lơh dipal, ai broă bơsram mờ lơh jat ơnà jak Bác Hồ gơs là broă lơh ờs mờng. Ờ mìng tàm mpồl kuang bàng, cau geh Đảng, dơ\ lam sồr neh geh bơta gơrề pràn ngan tàm rài kis làng bol, geh uă cau dùl nă să geh pơnrơ jak kơnờm bơsram mờ lơh jat ơnà jak Bác Hồ. Ồng Nay Yak, kòn cau Jarai ơm tàm kơnhòal Phú Thiện là dùl nă cau pơnrơ jak đơs: “ Să tờm a`, a` sơnơng, lơh jat ơnà jak Bác Hồ den lài ngan pal pơlam tàp is să tờm he. Dơ\ 2 là dong kờl jơh tơl nă cau nàng tam klac, dong kờl bal, lơh jat gùng dà broă lơh bơh Đảng, dà lơgar dê nàng tơnjơh jơgloh tơmù rbah, bơt bơtàu rài kis niam bơne\.”

                                                                                    Cau mblàng K' Duẩn