JƠNAU TƠNGGIT TÀM LƠGAR.

Ngai òr, bơh bơta đơng lam bơh ồng Nguyễn Tấn Dũng kuang gơs gơnăp gơnuar atbồ hờ đang rlao jơh dà lơgar, gơnuar atbồ lơgar geh pơrjum pờ tơn tàm intơnet bơh Gơnuar atbồ lơgar mờ ala\ càr, [òn dờng mut lơh jat kơrnuat bơh Gơnoar ala mat dà lơgar bè bơta bơtàu tơngguh lơh sa mpồl bơtìan mờ kờp du\ pria\ jền dà lơgar nam 2015. Dơ\ pơrjum geh iat mờ cri bơyai bè jơnau yal tơnggit lơh sa mpồl bơtìan nhai 12 mờ jơh mờ nam 2014. Đơs tàm tu\ geh jơnau đơs bè cri bơyai tàm dơ\ pơrjum, ồng Nguyễn Tấn Dũng geh đơs tờm, broa\ mut lơh broa\ lơh bơtàu tơngguh lơh sa mpồl bơtìan nam 2014 bal mờ bơta niam, dà lơgar he gam neh tam dra\ mờ ua\ ngan kal ke, bơta lòng. Ồng Nguyễn Tấn Dũng sồr, bơh ala\ jơnau yal tơnggit tàm dơ\ pơrjum, ala\ kuang bàng, gah sơnah lơh broa\, ala\ càr, [òn dờng lơh ngan lơh loh ala\ cồng nha neh lơh geh, sơndio ala\ bơta gam gơbàn, bơt tài gơbàn, tơlik ala\ broa\ lơh, broa\ lơh tàm nam 2015, ngan la tơlik ala\ broa\ lơh geh bơta kuơ niam, geh cồng nha nàng mut lơh geh jai pha 4 mpồl broa\ lơh dờng geh tơlik lơh.

 Drim òr 29/12, tàm càr Kon Tum, Anih duh broă ală bơta mpồl bơtiàn bơh Gơnuar ala mat dà lơgar dê, Mpồl ùr kuang ala mat Gơnuar ala mat dà lơgar, Anih duh broă Dà lơgar tài bơta gơguh jak bơh cau ùr Việt Nam mờ Mpồl tam klăc cau ùr dà lơgar Việt Nam, neh bơyai lơh Cribơyai tiah tàm gùl lơgar mờ Tây Nguyên bè tơngume “Sơlơ tơnguh tai bơta tus bal bơh cau ùr dê tàm broă lơh gùng dră bal”. Đơs tàm dơ\ cribơyai, mò Nguyễn Thị Kim Ngân kuang geh jơng Gah Gùng dră bal dà lơgar, mơkung la Kuang jăt jơng atbồ Gơnuar ala mat dà lơgar pà gi\t: Ring bal cau ùr mờ cau klau tàm broă lơh gùng dră bal mờ bơta tus bal tơl ngan bơh cau ùr dê tàm broă tơlik kơr nuăt là jơnau dờng màng nàng chul chồl ring bal cau ùr mờ cau klau tàm jơh ală broă. Kung tàm dơ\ cribơyai, ală kuang bàng crbơyai uă jơnau yal bè bơta kuăng bàng là cau ùr, dan ală gùng dà broă lơh dipal nàng dan mờ Đảng, Dà lơgar bè broă sơlơ geh tai ală gùng dà broă lơh kờn lơh geh tơl ală bơta ai kuang bàng cau ùr in tus bal tàm ală broă lơh gùng dră bal.

JƠNAU TƠNGGIT DUNIA.

Gơnuar atbồ lơgar Hàn Quốc ngai òr 29/12, neh sồr bơyai lơh ală dơ\ cribơyai đah 2 lơgar Hàn Quốc mờ Triều Tiên tàm nhai 1 tus do. Gah Tơr gùm dùl dà lơgar Hàn Quốc pà gi\t, lơgar do kờn cribơyai mờ lơgar Triều Tiên bè ală bơta gơ rềng tus bơta kuơ bal, bè bơ tòm tơr gùm ală hìu bơnhă gơtìp nrah tàm rài tam lơh đah 2 lơgar Hàn Quốc mờ Triều Tiên. Nam 2015, lơh tềl 70 nam 2 lơgar gơtìp tam cah is. Tàm dùl jơnau đơs pa do, mò Park Geun-hye kuang atbồ lơgar Hàn Quốc đơs la, do là tu\ tơngai nàng tơn jơh bơta jê sồt tam cah is tàm ù tiah bồt Triều Tiên. Gơnuar atbồ lơgar Hàn Quốc gam rcăng niam ngan ai dùl bơta tơr gùm dùl ngăp lơngai, pơn jăt tai ai bơta dong kờl pal geh ai làng bol lơgar Triều Tiên in, lơh ngan rề ơnàng tam klăc bal mờ cribơyai. Mò Park Geun-hye kung đơs tờm, broă lơh cribơyai mờ lơgar Triều Tiên tu\ lơi kung kờn lơh lơm.

Mpồl lơh broa\ sền gàr ngap lơngai lơgar Iraq pa lơh geh ala\  jai pha pa tàm broa\ lơh sơndra\ ala\ cau dra\ wơl bơh mpồl dà lơgar Islam pồ is, tu\ geh gơsơt geh rlau 180 na\ cau bơh mpồl jà` iơh do tàm anih tờm  bơh càr Salahuddin tàm gùl lơgar Iraq. Ala\ ling lềng bơh mpồl dà lơgar Islam ngai òr nao 28/12, neh pal kong dùl dơ\ lơh pràn ngan tàm mpồl jà` iơh do tu\ mpồl   sền gàr ngap lơngai lơgar Iraq bơh bơta dong kờl bơh cau lơh  broa\ dong kờl neh pờ gùng lơh sò tơm geh cồng nha tàm ala\ cau tam lơh krà` cha ngan tàm Yathrib, đah jum [òn dờng Tikrit. Dùl khà dờng phàu crong mờ rơndeh di gơnoar bơh mpồl dà lơgar Islam kung neh gơbàn aniai tàm dơ\  sò tơm do.

 Ală kuang bàng lơgar Philippines ngai òr 29/12, neh pà gi\t, dà ko\ dà cò lơh gi\t nđờ rbô nă cau tàm tiah đah jum dà lơgar pal dô ntrờn. Dà ko\ dà cò gơbàn tu\ dùl dơ\ mìu càl rbu\t dờng tiah duh sùh ìo jăt măt sơnđan tàm do là Seniang tus tàm tiah do bal mờ mìu dờng mờ càl pràn ngan. Bồ nhai 12 do, Philippines kung pal ko\ng mờ dơ\ mìu càl rbut dờng Hagupit, lơh 18 nă cau chơ\t tu\ tus tàm tiah tàm gùl lơgar do. Uă lơgar tàm tiah do bè Malaysia, Thái Lan, Indonesia kung gam pal ko\ng mờ dà ko\ dà cò ờ niam ngan, lơh gi\t nđờ jơ\t rbô nă cau pal lòt ntrờn.

                                                       }au mblàng K' Brọp mờ Lơ Mu K' Yến