VOV4.K’ho – Drim òr, 11/4, Mpồl tam klac Hợp tác xã càr Kontum bơyai lơh tơngkah Ngai Hợp tác xã Việt Nam (11/4). Tus tu\ do, gùt càr Kontum geh 167 mpồl tam klac mờ rlau 1 rbô 800 nă cau tàm mpồl. Đơs tàm dơ\ bơyai lơh, kuang đơng lam bồ càr Kontum sồr Mpồl tam klac Hợp tác xã càr sơlơ mblàng yal gùng dà broă lơh bơh Đảng, Dà lơgar dê mờ chul chồl bơtàu tơnguh lơh sa bal tàm càr; sơlơ bơto pơlam chích sách adat boh lam, dong kờl ală hợp tác xã in bơtàu tơnguh, lơh broă geh cồng nha rlau; bơt bơtàu ală broă lơh hợp tác xã geh pơn rơ jak nàng rề ơnàng mờ pơgồp bal mờ ală mpồl mặt trận, mpồl bal lam sồr ală rơnàng làng bol tus bal tam klac lơh sa, tơnguh jơnhua cồng nha lơh broă, đơs tờm di bơngă bơh lơh sa bal dê tàm bơtàu tơnguh lơh sa mpồl bơtiàn càr dê.

                   Cau cih mờ yal tơnggit K’Duẩn