VOV4.K’ho - Lơh jăt kơrnoăt sồ 890 ngai 11/3/2015 bơh anih duh broă sùm Gơnoar ala măt dà lơgar dê bè broă wah nhàr ù tiah kơnhoàl Sa Thầy, càr Kon Tum kờ` crơng gơs kơnhoàl Ia H’ Drai, mho òr (22/4), tàm kơnhoàl Sa Thầy, mpồl duh broă sùm đơng lam Đảng càr Kon Tum neh yal kơrnoăt crơng gơs mpồl đơng lam Đảng kơnhoàl Ia H’ Drai. Jăt kơrnoăt bơh mpồl đơng lam Đảng càr Kon Tum dê, mpồl đơng lam Đảng kơnhoàl Ia H’ Drai geh crơng gơs ngai 17/4/2015 geh ală mpồl đơng lam Đảng tàm ală ntum gơwèt  mpồl đơng lam Đảng kơnhoàl Sa Thầy jàu tus, tàm hơ\ geh mpồl đơng lam Đảng ntim Ia Dom, mpồl đơng lam Đảng ntum Ia Đal, mpồl đơng lam Đảng ntum Ia Tơi mờ ală mpồl đơng lam Đảng geh mpồl đơng lam Đảng kơnhoàl Ia H’ Drai crơng gơs jăt kơrnoăt Đảng dê. Bal mờ kơrnoăt crơng gơs mpồl đơng lam Đảng kơnhoàl Ia H’ Drai, mpồl duh broă sùm Đảng càr Kon Tum kung jàu kơrnoăt đơng lam mpồl đơng lam Đảng kơnhoàl Ia H’ Drai in geh 16 nă kuang bàng, pồ 5 nă kuang bàng tàm mpồl duh broă sùm Đảng kơnhoàl; pồ ồng Nguyễn Hữu Tháp, kuang jăt jơng atbồ đơgn lam Đảng kơnhoàl, kuang atbồ anih duh broă làng bol kơnhoàl Sa Thầy lơh kuang atbồ đơng lam Đảng kơnhoàl Ia H’ Drai; pồ ală ồng Nguyễn Hồng Tâm, Nguyễn Văn Lộc mờ Sô Lây Ngai lơh kuang jăt jơng atbồ mpồl đơng lam Đảng kơnhoàl Ia H’ Drai.

Cau mblàng Ndong Brawl