VOV4.K’ho - Tàm càr Kon Tum neh gơl^k geh 4 dơ\ mờ 13 nă cau gơtìp khih tài sa bơsềt brê, tàm hơ\ neh geh 3 nă cau gơbàn chơ\t.Bu\ lah gah lơh sơnơm bal mờ gơnoar atbồ tàm [òn lơgar neh bơto sồr sùm, lam sồr làng bol kờ` tơmù uă ngan dơ\ gơbàn khih sa bơsềt, mơya tài bơsềt brê là phan sa ờs mờng mờ gơboh kờ` ngan làng bol ală kòn cau tàm [òn lơgar dê, den tàng broă di gơlan gơbàn geh ală dơ\ khih tài sa bơsềt gam uă ngan.

Pah ngai, tàm ală tu\ ru, mò Y Tha à` sơ\ lòt tàm mìr, mu\t tàm brê jòi bơsềt. Mờ làng bol kòn cau Sơdàng kis tàm [òn Long Hy Một, ntum Măng Ri, kơnhoàl Tu Mơ Rông bơsềt brê là phan sa ờs mờng ngan. Mò Y Tha pà g^t, bơsèt bu\t uă ngan tàm tiah brê dờng. Tơnơ\ mờ pah dơ\ mìu dờng jo\ ngai, 2, 3 ngai tơnơ\ mu\t tàm brê den jòi geh bơsềt cèng rê sa. Bơsềt ờ roh priă blơi mờ sa bơkah tai den tàng geh uă làng bol gơboh kờ` ngan. Mò Y Tha mblàng bè bơta mờng chài rơwah bơsềt brê mờ bol a` bè do: “Bơsềt khih ờ gơtùi sa den he ba` p^c. Mìng geh bơsềt ja, bơsềt mhơr den sa bơkah. Mờ di lah go\ geh phan lơi sa bơsềt hơ\ den kòn bơnus kung sa sơl, ờ khih. Bè đe, sềm tàm brê di lah ờ sa bơsềt brê den kòn bơnus kung ờ gơtùi sa sơl”.

                                       Kàl mìu, ală bơta bơsềt brê bu\t uă

Tàm ntum Măng Ri kung bè ală tiah làng bol kòn cau ndai tàm càr Kon Tum, làng bol gam mờng mờ broă p^c bơsềt brê jăt broă mờng chài bơh lài bơto mờ bơr. Bơta ngòt rơngơ\t ngan là geh ờ uă bơsềt khih geh rùp rài kung ndrờm bal mờ ală bơta bơsềt mờ làng bol neh mờng sa den tàng kal ke ngan kờ` g^t. Bi A Miêu, kis tàm [òn Long Hy Một, ntum Măng Ri sơnđio bol a` in g^t 1 bơta bơsềt mờ hìu nhă bi neh sa mờ gơtùi gơbàn jê ndul jơh, lơh ală cau tàm hìu ngòt rơngơ\t ngan: “Mò bol a` lài do yal, bơsềt do là bơsềt ngan ờ khih, mơya tu\ sa den gơtìp jê ndul, glar bòl ngan, mờr chơ\t. Ngòt ngan”.

Ờ bơtoah bè hìu nhă bi A Miêu dê, tàm nggùl nhai 5 lài do tàm [òn Long Hy Một neh gơl^k geh 1 dơ\ khih sa bơsềt sơl, lơh lo\ Y Poan bal mờ kòn ùr Y Búi gơbàn chơ\t. Tàm hìu moăt jrùng, yal wơl jơnau neh rơlao, mò Y Brun dà măt hòr tài sơnđàc kòn mờ sao tòm. Mò wờl să ngan tài mò là cau neh lòt p^c bơsềt tàm mìr cèng rê tru\ sa ală cau tàm hìu in. Ồng Phạm Bình Thuận, kuang bàng lơh broă tàm hìu sơnơm ntum Măng Ri pà g^t, làng bol tàm do ờ sền gròi ngan mờ broă ngui bơsềt lơh phan sa. Tu\ gơbàn khih den jơla ngan tàm broă cèng cau gơbàn khih tus hờ hìu sơnơm: “Broă lam sồr hìu sơnơm ntum dê kung geh lam sồr sùm sơl, mơya tu\ ală làng bol sa den he kung ờ g^t sơl, ờ g^t loh sơl. Dùl bơnah là tài làng bol kung ờ sền ngăc, làng bol kung kơlôi là bè ờs jê ndul gời, gơdan hă mơ den tàng làng bol gơtìp lơyaì tàm broă cèng cau gơbàn khih tus hờ hìu sơnơm”.

                              Bơsềt brê geh làng bol p^c cèng tăc jăt gah gùng tàm [òn

Jăt bác sĩ Đỗ Xuân Thuỷ, lơh broă tàm gah sơm kòp tơn pràn să hìu sơnơm kơnhoàl Tu Mơ Rông yal, broă kờ` g^t bơh bơsềt khih mờ bơsềt ngan là kal ke ngan. Tài bè hơ\, den tàng làng bol pal sền ngăc ngan: “Kờ` rơcang pleh, làng bol pal sa ală bơsềt g^t loh măt sơnđan ha là bơsềt hơ\ ờ khih. Gam wơl là ală bơsềt ndai mờ he ờ g^t loh ha là ờ g^t đal bơsềt khih ha là bơsềt ngan den ba` sa. Tu\ gơtìp khih bơsềt, bơto sồr làng bol mờ broă pal lơh gơdan hă. Hă sơlơ uă den sơlơ niam, tơnơ\ mờ hơ\ hùc uă dà mờ tus mơ hờ hìu sơnơm”.

Bơh bồ kàl mìu tus tu\ do, tàm càr Kon Tum neh gơl^k geh 4 dơ\ mờ 13 nă cau gơtìp khih tơnơ\ mờ tu\ sa bơsềt brê, tàm hơ\ geh 3 nă cau neh gơbàn chơ\t. ală dơ\ khih bơsềt ndrờm gơl^k geh tàm tiah làng bol kòn cau, do là tiah mờ làng bol geh broă mờng jòi bơsềt bu\t is tàm brê, tàm mìr cèng rê tru\ sa. Tu\ do, Tây Nguyên gam tàm kàl mìu, ală bơta bơsềt but uă mờ [uơn ngan jòi go\ den tàng broă gơl^k geh tai ală dơ\ khih sa bơsềt gam uă ngan.

Cau mblàng Ndong Brawl