VOV4.K’ho - Tềng đap broă sùm 5 nơm rơndeh nac lòt tiah đah tô – đah jum dà lơgar tàm drim òr lòt tàm gùng Hồ Chí Minh, gơl lòt gan ntum Đak Môn, kơnhòal Đak Glei, càr Kon Tum gơtìp to lu\ lơh nac đì tàm rơndeh ngòt ngan, pơhìn uă ngan tus ngap lơngai ờ do ờ dă gùng lòt, mho òr 1-6, Ani duh broă làng bol kơnhòal Đak Glei, càr Kon Tum neh geh sră nggal jal mhar sồr anih lơh broă geh gơnoar tàm [òn lơgar lòt sền, lơh glài, ờ lời gơlik geh tai bơta do. Anih duh broă làng bol kơnhòal Đak Glei sồr kuang àng kơnhòal đơng lam, pơgồp bal mờ Anih duh broă làng bol ntum Đak Môn mut lơh lùp khàu, đal git, jòi bàn ală cau to lu\ tềng rơndeh nac tàm àng drim ngai òr. Cồng nha lùp sền, lơh glài broă do pal lơh jơh mờ yal mờ Anih duh broă làng bol kơnhòal lơyaì ngan rlau jơh tàm ngai 4/6 tus do. Bal mờ hơ\, Anih duh broă làng bol kơnhòal Đak Glei kung sồr ală ntum tềng gùng Hồ Chí Minh tàm hơ\ geh Đak Man, Đak Pét, [òn drà Đak Glei, Đak Kroong mờ Đak Môn lơh jat niam jơnau đơng lam bơh Anih duh broă làng bol kơnhòal dê, geh broă lơh lòt sền, kơryan di tu\ broă lơh to lu\ tàm rơndeh nac kờ` gàr niam ờ do ờ dă nac đì rơndeh, cau mai\ rơndeh mờ phan bơna bơh mpồl lơh sa kă bro tu\ lòt tàm gùng Hồ Chí Minh gơl lòt gan kơnhòal.

                                                                                   Cau mblàng K’ Duẩn.