VOV4.K’ho - Bơh bồ nam tus tu\ do, càr Kon Tum neh lơh ngan tàm broă atbồ sền gàr brê, lơh glài nền nòn ală cau lơi lơh gơbàn tìs.

Lơh jăt jơnau đơng lam bơh UBND càr Kon Tum tàm broă atbồ sền gàr brê, là “Lơh glài nền nòn ală cau lơi lơh tìs, ờ geh tiah kơrian, tìs tàm bơta lơi lơh glài tus tàm bơta hơ\ bu\ lah cau tìs là cau lơi”, bơh bồ nam tus tu\ do mpồl sền gàr brê mờ gơnoar atbồ ală tiah tàm càr neh tus bal lơh ngan kơrian geh cồng nha ală broă lơh tìs aniai tus mờ brê.

Bơdìh hơ\ tai, broă lam sồr làng bol tàm broă rơcang yal yă cau tìs tàm gah brê bơnơm kung geh chồl pràn. Mpồl sền gàr brê tàm tiah lơh broă neh lơh jăt broă lam sồr tơn bè broă atbồ sền gàr brê tàm ală [òn geh 210 dơ\ mờ mờr 10 rơbô nă cau tus bal.

Bal mờ hơ\ là ală broă lam sồr ndai, bè tàm pang yal tơng^t điện tử bơh mpồl sền gàr brê, anih pờ tơl^k jơnau đơs-sơnđio rùp càr, ală anih pờ tơl^k jơnau đơs mờ sơnđio rùp 10 kơnhoàl, [òn dờng. Ồng Võ Sỹ Chung, kuang atbồ đah sền gàr brê càr Kon Tum pà g^t:

-Tềng đăp mờ broă đơng lam, lam sồr bơh Tỉnh uỷ, Uỷ ban bơh bồ nam 2020 tus tu\ do, bol a` neh lơh ngan tàm boă atbồ sền gàr brê. Den tàng cồng nha gơtìp bè tìs gơwèt mờ adăt sền gàr brê gơmù. Ală dơ\ tìs mờ adăt sền gàr brê gơmù tus 38%. Do kung là dùl broă lơh ngan bơh gah lơh broă do dê.

Kờ` sền gàr brê, bơh bồ nam tus tu\ do mìng is mpồl sền gàr brê càr Kon Tum neh bơyai lơh 86 dơ\ sền gròi, jòi ku\p go\ rơlao 17 khối dơm chi tìs mờ mờr 900 k^ gar ươi. Bal mờ hơ\, UBND ală kơnhoàl kung crơng gơs, lơh broă sùm 25 anih sền gròi ală gah lơh broă atbồ sền gàr brê kờ` sền gròi bơta tìs mờ adăt Lâm nghiệp.

Tàm hơ\, kơnhoàl Ngọc Hồi 8 anih; Đăk Hà geh sùm 5 anih; kơnhoàl Đăk Glei 4 anih; kơnhoàl Ia H’Drai 3 anih; ală kơnhoàl Kon Plông, Sa Thầy tơl kơnhoàl 2 anih sền gròi; kơnhoàl Đăk Tô, Kon Rẫy tơl kơnhoàl 1 anih sền gròi.

Ồng Nguyễn Tấn Liêm, kuang atbồ Sở Nông nghiệp mờ Phát triển Nông thôn càr Kon Tum pà g^t, kơnờm mờ broă tus bal pràn kơl dang bơh ală gah, mpồl lơh broă geh gơpnoar bal mờ gơnoar atbồ ală tiah neh tơmù uă tiah gơbàn tìs:

-Neh lơh glài jơh 11 tiah, tơmù geh 29 tiah tàm hơ\ geh 12 tiah tàm nam 2019 gơbàn uă neh tam gơl tàm ală kơnhoàl Ngọc Hồi, Kon Plông, Tu Mơ Rông, Đăk Tô, Đăk Hà mờ Đăk Glei.

UBND càr đơng lam ală gah lơh broă geh gơnoar pơgồp bal mờ gơnoar atbồ tàm ală xã bơyai lơh sền gròi, jòi kờ` g^t tiah tòm bơh phan geh lơh bơh brê bơnơm gơwèt mờ ală hìu kă bro lơh phan geh lơh bơh brê dê tàm 4 nhai sơnrờp nam 2020 bơh broă sền gròi ală Mpồl lơh broă tus bơh ală gah ờ hềt go\ tìs bè sră nggal, tiah tòm phan geh lơh tàm hìu lơh.

Lơh glài nền nòn ală cau lơh tìs mờ adăt Lâm nghiệp, tàm 4 nhai bồ nam 2020, mpồl lơh broă geh gơnoar càr Kon Tum neh lơh glài mờ priă 114 dơ\; yă 9 dơ\ lơh glài ku\p màng.

Tàm hơ\, mpồl kuang àng càr Kon Tum neh yă 1 dơ\, mpồl sền gàr brê yă 8 dơ\. Pal kah ngan dơ\ go\, yă lơh glài ku\p màng, yă 13 nă cau tìs kơl, pơn diang dơm chi ờ di mờ adăt boh lam tàm ngai 29 nhai 2 lài do tàm tiah brê 277, gơwèt [òn Đăk Manh 1, xã Đăk Rơ Nga, kơnhoàl Đăk Tô; dơ\ cah rơ`a 4 nă cau tìs “Tìs mờ kơrnoăt geh ai bè broă kơl, sền gàr brê mờ phan brê” gơbàn tàm tiah brê 390, 391 gơwèt xã Măng Bút, kơnhoàl Kon Plông. Cồng nha cah rơ`a 4 nă cau do gơtìp lơh glài kờp jơh 55 nhai jàm.

Ồng Nguyễn Văn Hoà, Chủ tịch UBND càr Kon Tum neh dờp ală broă lơh ngan bơh ală mpồl lơh broă geh gơnoar tàm càr tàm broă atbồ sền gàr brê, mờ pà g^t nùs nhơm bơh càr dê gơwèt mờ broă lơh glài ală dơ\ tìs:

-Tu\ tus ngai chờ, ngai satềp den a` sồr mpồl sền gàr brê mờ kuang àng ba` ơm rơlôi, pal tus tàm tiah hơ\. Ngai chờ, ngai satềp là pal tam pà mpồl lơh broă uă rơlao.

Tàm Thường trực Tỉnh uỷ kung bè là Ban Thường vụ Tỉnh uỷ geh sền gròi ngan tus mờ broă đơng lam, lam sồr. Ờ geh tiah kơrian, ờ geh tiah lơi gơlời. Ờ geh cau lơi tìs mờ gơtìp tơn pồn.

Tàm dơ\ lơh broă ngai 30 nhai 4 mờ càr Kon Tum, ồng Hà Công Tuấn, Thứ trưởng Thường trực Bộ Nông nghiệp mờ Phát triển Nông thôn đơs tus mờ bơta kuơ màng bơh broă atbồ sền gàr bă brê gam tai tàm Tây Nguyên đơs bal mờ càr Kon Tum đơs is.

Tềng đăp mờ kal ke bơh broă kơl chi brê tìs mờ adăt boh lam, bu\ lah càr Kon Tum neh lơh ngan bơsong jơh geh 11 tiah geh uă tìs tàm broă atbồ sền gàr brê mờ atbồ phan brê, mơya gam 29 tiah gơbàn ndai pal pơn jăt tai bơsong jơh sơl.

Thứ trưởng Thường trực Bộ Nông nghiệp mờ Phát triển Nông thôn ồng Hà Công Tuấn kung đơs là, càr Kon Tum pal pơgồp bal broă lơh jăt broă tơm priă sền gàr tiah kis brê mờ sền gàr brê:

-A` kung sồr ală kuang bàng là geh đơng lam tàm broă atbồ broă tơm priă sền gàr tiah kis brê pơgồp bal mờ kơnòl sền gàr brê tài khà priă do là priă uă ngan. Càr do pah nam geh bơh 2 tus 3 rơhang tơmàn đong là uă ngan. Priă do uă rơlao 5, 6 dơ\ mờ kes priă bơh he bơcri.

Pal sền rơndăp broă kes priă tơm pah nam mờ kơnòl bơh ală sở, gah lơh broă pal gàr niam broă tơm priă bal mờ broă pơgồp bal sền gàr brê di lah ờ lơh gơbàn tus mờ ală bơta ờ niam ndai.

Tàm dơ\ lơh broă mờ UBND càr Kon Tum, Thứ trưởng Thường trực Bộ Nông nghiệp mờ Phát triển Nông thôn ồng Hà Công Tuấn kung sồr gơnoar atbồ càr đơng lam mpồl Cảnh sát sền gàr gùng lòt, mpồl sền gròi gùng lòt lơh glài nền nòn ală rơndeh lơh is; tơnguh mpồl wàng se, kơrian 29 tiah gơbàn uă tìs tàm broă atbồ sền gàr brê mờ atbồ phan brê; atbồ nền nòn ală hìu kă bro, lơh phan brê; crơng gơs mơ mpồl yal tơng^t bè atbồ sền gàr brê; gơwèt mờ ală broă gơrềng bal tus mờ broă lơh aniai brê, tìs mờ ală kơrnoăt geh ai bè broă lơh, sền gàr pal mhar geh ai cah rơ`a loh làng, nền nòn nàng kơrian.

Thứ trưởng Thường trực Bộ Nông nghiệp mờ Phát triển Nông thôn ồng Hà Công Tuấn pà g^t, Bộ Nông nghiệp mờ Phát triển Nông thôn tu\ lơi kung rơcang dong kờl càr Kon Tum, kuang bàng lơh broă kờ` lơh jăt niam broă atbồ sền gàr brê càr do in.

Cau mblàng Ndong Brawl