VOV4.K’ho – Ờ bơdìh mờ bơta dờp git bơh anih yal lài trồ tiah, nhai mìu nam do tàm càr Kon Tum jơh gờ`, khà dà bơh ală tơnau dờng dà ờ tơl uă ngan. Bơta pal đơs rlau là bơta pràn dơng dà bơh ală tơnau tàm càr ngai sơlơ ờ niam, bă ù tam is chi tam pah nam gơguh uă, den tàng broă rơcang sơndră trồ prang dờng soat dà chi tam, phan ròng in tàm càr tàm nhai prang nam do ngai sơlơ gơtìp uă kal ke:

Sùm tàm uă nam rềp ndo, tơnau dơng dà Cà Tiên tàm ntum Đoàn Kết, [òn dờng Kon Tum gơbàn soat dà tàm nhai prang. Jơnau là tài khà chi che tàm dà tàm tiah gùt dar tơnau dơng dà ờ gam. Broă làng bol mus pès jơh chi che lồi dut nàng ai ù tam phan gam lơh tơnau dà gơtìp bồr uă ngan. Bulah gah lơh broă bơtơt rơbòng dà tàm [òn lơgar neh uă dơ\ tuah wàs, tơnau dơng dà geh lơh jơnhua mơya ờ jai kong mờ bơta pràn tơrlah ù bơh đah tô. Jơnau gơbàn là mờr 20 lồ ù lơh kòi bơh làng bol tàm [òn 7, ntum Đoàn Kết, kàl lơh sa mrềt prang nam do pal sang gời jơh tài ờ geh dà nàng lơh kòi. Ồng Phan Hùng, 1 nă cau tàm [òn pà git: “ Tài 2 gah ờ gơtùi tam chi tam jo\ ngai, jơh ală là chi tam lơyah ngai, lơ òr ù den tàng ù gơ dùh, bồr jơh tơnau dà. Kàl mrềt prang sùm ờ tơl dà nàng lơh tài gơtìp trồ prang dờng soat dà lơh aniai. Hoàc huơr gơbàn uă ngan, cồng nha lơh geh ờ tơl nàng drơng rài kis hìu nhă in sơl, den tàng kal ke ngan.”

Gùt càr Kon Tum tu\ do geh rlau 500 tơnau dờng dà den ndrờm geh bal dùl bơta, hơ\ là bă brê mờ chi che bơh đah tô ờ gam, den tàng bơta pràn sơndră mờ gơ bồr ù, gàr tơl bơta pràn dơng dà là ờ jai ngan. Bal mờ hơ\, bă ù tam is chi tam gơguh uă ờ jat rơndap broă ai tơlik mờ ală bơ tơt rơbòng dà pal tam pà dà tus mờ uă broă lơh krơi is, bè ròng mờ tam phan tàm dà, dà ngui tàm rài kis kung ờ huan geh gam lơh bơta pràn sơndră trồ prang dờng soat dà chi tam in tàm nhai prang ờ tơl. Ồng A Vượng, kuang atbồ đơng lam Đảng kơnhoàl Đak Hà, là kơnhoàl geh tơnau dơng dà Đak Uy dờng ngan rlau jơh càr Kon Tum, bơta pràn dơng dà mờr 30 tơlak khối, drơng dà [ồm tus mờ git nđờ rbô lồ kơphe, kòi sre, tu\ do pal ai tai dà 1 hìu mai\ dà geh bơta pràn 4.200 khối dùl ngai mang ờ suk: “ 2, 3 nam do, tài tam gơl trồ tiah, khà dà ngan là nam 2015 do soat jơh. Ngòt là dilah bè do sùm, hơ\ sồng chi tam jo\ ngai làng bol tam is ngai sơlơ gơguh uă, ngòt là ờ tơl dà nàng [ồm. Bal mờ hơ\, kơnhoàl geh mut lơh hìu mai\ dà nàng drơng làng bol [òn drà Đak Hà in bal mờ ờ uă hìu nhă làng bol ală ntum rềp bal, mờ tu\ do dà ngui, dà drơng broă lơh sa in kung ngòt là tơnơ\ do ờ tơl.”

Dùl bơta kơn jơ\ tai tus mờ ală bơtơt rơbòng dà tàm càr Kon Tum tàm nhai prang nam do là pal tam pà dà mờ tiah đah tô tơn. Ồng Trương Hồng Sơn, kuang atbồ cơldu\ ơta chài sền gàr broă lơh, di mpồl atbồ mut ngui ală broă lơh bơtơt rơbòng dà càr Kon Tum pà git, ală tơnau dờng dà mìng geh bơceh lơh nàng ai dà tiah đah jum in, mơya tài làng bol sùm rề ơnàng bă ù tam chi tam jo\ ngai đah tô, ngui ală bơta mai\ [ồm dà pa ngan, geh bơta pràn lơh broă dờng nàng [ồm dà, den tàng broă sền gàr khà dà bơh gah lơh broă bơtơt rơbòng dà nàng [ồm ală bă ù tam phan in tàm broă rơndap lơh nhai prang nam do digơlan kal ke ngan. Ồng pà git: “ Ngan là gơ lơh gơbàn bơta kòl yan dờng ngan tus mờ bơtơt rơbòng dà. Tam pà dà den he tam pà jat bă ù, mờ jat bơceh lơh là ai tiah đah jum bơtơt dờng dà in, ờ di bơceh lơh nàng [ồm dà tiah rềp tơnau in, geh tu\ sơr lèt 2, 3 bơnơm kềng gah tơnau nàng [ồm dà ală tiah ngài in tai. Bơta do tu\ kờp du\ bơceh lơh den ờ cau lơi kờp tus, mờ tu\ lơh niam wơl tơnơ\ do kung ờ gơtùi kờp du\ tơn sơl.”

Tàm tu\ ală tơnau dơng dà tàm càr Kon Tum bơta pràn dơng dà ngai sơlơ ờ niam den nam do nhai mìu jơh gờ`, khà mìu ờ tơl bơh 20 tus 60%. Jat jơnau dờp git bơh gah lơh sa suơn sre càr do dê, bơta soat dà ndrờm bè neh ngan ngồn gơlik geh tàm pơgap bồ nhai 2 nam tơnơ\.

                                                                      Cau cih mờ yal tơngit K’ Duẩn.