VOV4.K’ho - Tơnơ\ mờ tu\ anih yal tơng^t tơl^k jơnau yal bè broă càr Kon Tum mus kơl 200 lồ tòm nho tàm kơnhoàl Kon Plông kờ` jào ù anih lơh sa kă bro in tam tòm macca.

Ngai òr (31/8), Sở Nông nghiệp mờ Phát triển Nông thôn càr Kon Tum neh bơyai lơh pơrjum [ăo yal kờ` lơh loh jơnau yal bè broă do.

Tàm dơ\ pơrjum [ăo, Sở Nông nghiệp mờ Phát triển Nông thôn càr Kon Tum đơs tòm, rơndăp broă tam gơl mờr 200 lồ brê nho kờ` jào ù ai Công ty TNHH Đăng Vinh in tam tàm macca, tàm xã Dăk Long, kơnhoàl Kon Plông geh lơh di mờ gùng dà càr Kon Tum neh ai.

Tiah geh tam gơl do là ù brê nho bơh 20 tus 25 sơnam, mơya khà geh mìng bơh 150 tus 300 tòm tàm 1 lồ.

Ală bă ù geh tam gơl kờ` lơh rơndăp broă tàm tiah geh ai 3 rơbô lồ kờ` ai broă tơnguh bơtàu lơh sa suơn sre ngui công nghệ cao, ờ gơwèt mờ khà rơndăp broă lơh tiah nhơl chờ tàm brê Măng Đen mờ khà rơndăp broă bal [òn drà Kon Plông tus bnam 2030 neh geh Thủ tướng Chính phủ k^.

Cau cih mờ yal tơng^t Ndong Brawl