VOV4.K’ho- Pơrjum dờng cau ala măt Đảng bộ càr Kon Tum dơ\ 16, tơngai lơh broă bơh nam 2020- 2025 geh bơyai lơh bơh ngai 22 tus ngai 25/9 do. Do là càr bơh sơnrờp tàm tiah Tây Nguyên bơyai lơh Pơrjum dờng. Mho ngai 22/9, neh geh lơh dơ\ pơrjum rcăng lài tàm Hìu pơrjumNgọc Linh. Tàm 346 nă cau ala măt tus bal Pơrjum geh 47 nă cau ala măt ngan ngồn mờ 299 nă cau ala măt geh pồ bơh Pơrjum dờng bơh 14 Đảng bộ gơ wèt Tỉnh ủy dê.

Hìu pơrjum Ngọc Linh tiah geh bơyai lơh pơrjum dờng Đảng bộ càr Kon Tum

Jơnau yal chính trị Pơrjum dờng geh tơngume “Sơlơ bơ\t bơtàu Đảng bộ mờ ală anih lơh broă chính trị sàng goh, pràn kơldang kơ\ kơl jăp; ngac ngar, bơceh pa; ngui niam bơta pràn tam klăc dờng ală jơi bơtiàn; gàr kơ\ kơl jăp sền gàr dà lơgar, lơngăp lơngai; hòi jà, jòi mờ ngui geh cồng nha ală priă jền; ai càr Kon Tum bơtàu tơnguh mhar mờ kơ\ kơl jăp”.

Rbàng Đak Bla lam lòt tus dơlam [òn dờng Kon Tum

Pơrjum dờng geh pồ 50 tàm 51 nă Kuang bàng geh jơng tàm Ban Chấp hành Đảng bộ càr tơngai lơh kơnòl broă pa; pồ 15 nă Kuang bàng lơh broă tàm Ban Thường vụ Tỉnh ủy; pồ 11 nă Kuang bàng tàm Ủy ban Sền swì Tỉnh ủy mờ pồ 15 nă cau ala măt ngan ngồn lòt Pơrjum dờng cau ala măt gùt lơgar dơ\ 13 bơh Đảng dê.

Cau mblàng Lơ Mu K’Yến