VOV4.K’ho- Chủ tịch Ủy ban Nhân dân càr Kon Tum neh ki\ ai ngui Công văn bè broă pơn jăt tai sơlơ tơnguh tai broă lơh rơcăng sơndră kòp Covid-19. Ủy ban Nhân dân càr Kon Tum sồr kuang bàng mờ làng bol tàm do lơh jăt niam ală broă lơh rơcăng sơndră kòp, ngan là jơnau sồr 5K là pơn chèu glòm muh mat, lơh kloh khuẩn, ơm yah ngài, ba` tơrgùm gal cau, yal mờ cau lơh sơnơm.

Ủy ban Nhân dân càr Kon Tum sồr ai tơl ală bơta nàng ală mpồl lơh broă mpồl bơtiàn in lơh niam pràn kơldang gơnoar broă, kơnòl broă he dê tàm broă lơh rơcăng sơndră kòp bơtờp. Ủy ban Nhân dân càr sồr ờ huan bơyai lơh ală broă lơh pơrjum, pơrjum duh khuai ală gah jăt yàng, dơ\ tàm pơrlòng tàp pràn să jan, broă lơh geh tơrgùm gal cau tàm tiah mpồl bơtiàn.

Ủy ban Nhân dân càr sồr ală kơnhoàl, [òn dờng pơn jăt tai rơcăng lài lam lơh ală broă lơh rơcăng sơndră kòp Covid-19 tàm tiah he dê; lơh jăt niam broă lòt sền, gròi sền broă yal mờ cau lơh sơnơm in, ai ơm yah ngài tơrgùm bal, ai ơm yah ngài kham sơm kòp tàm hìu jăt di jơnau sồr. Gơ wèt mờ ală cau ờ lơh jăt, den pal rồn bơklơn sồr ơm yah ngài kham sơm kòp jăt di jơnau sồr.

Cau mblàng Lơ Mu K’Yến