VOV4.K’ho- Mho ngai 12/3, Tỉnh ủy, HĐND, UBND, Ủy ban Mặt trận Dà lơgar Việt Nam càr Kon Tum bơyai lơh dơ̆ tìp mat mờ cau lơh băo, văn nghệ sỹ, cau geh bồ tơngoh jak nam 2021. Tàm dơ̆ tìp mat, ala mat ală anih lơh bău, văn nghệ sỹ mờ cau geh bồ tơngoh jak geh uă jơnau bơceh lơh jơh nùs ngan gơ wèt mờ kuang đơng lam bồ càr Kon Tum dê.

                                                                           Dơ̆ tìp mat

Ngan là ală gùng dà broă lơh nàng lơh jat niam rlau tai gơ noar broă sră bău kăc màng tàm tơngai pa bè tŭ do. Broă ờ hềt pràn, ờ hềt tơl phan bơna măy mok, biên chế mờ priă  jền lơh broă bơh anih lơh băo dê.

Đơs bè bàr pe broă mờ ală cau lơh băo, văn nghệ sỹ mờ cau geh bồ tơngoh jak sền gròi, Bí thư Tỉnh ủy Kon Tum ồng Dương Văn Trang pà gĭt tàm 5 nam tus càr ai jơnau kờñ tam pa 15 rơbô lồ brê mờ lơh ngan sền gàr bă brê gam geh tŭ do. Lơh klài kràñ ală cau lơh tìs mờ Adat brê bơ nơm; tơrmù khà hìu bơnhă rƀàh tàm tiah làng bol jơi bơtiàn kòn cau; lơh pràn hòi jà mpồl lơh sa kă bro dùl nă să is bơcri priă lơh nàng tơnguh lơh sa- mpồl bơtiàn bơh càr dê geh bơtàu tơnguh.

Cau mblàng K’ Hạnh