VOV4.K’ho - Pơn jăt bal broă lơh g^t gơ\p, lơh bơyô bal ờs mờng, lơh broă bal tơl ală bơta bơh lơgar Việt Nam mờ lơgar Lào, ală nam do, càr Kon Tum neh lơh jăt niam ală tơngu me broă lơh bal tơl ală bơta mờ 4 càr đah jum lơgar Lào là, Attapư, Sekong, Salavan, Champasak.

Kuang bàng càr Kon Tum mờ càr Attapư k^ hơ broă lơh bal

Ală càr do kung neh tus bal lơh jăt cơ chế broă lơh bal geh càr Kon Tum ai tơl^k; tơnguh broă tam gơl bal broă mờng chài tàm broă sơndră mờ kòp gơtìp bal mờ broă sền gàr bơta pràn kơl dang să jan làng bol tàm tiah nhàr dà lơgar…

Ală nam do, càr Kon Tum neh dong kờl ai ală càr đah jum lơgar Lào mờ kờp jơh khà priă 6 tơmàn 200 tơlăk priă, pà măy vi tính, còp, pà phan, kham sơm kòp ai làng bol lơgar Lào in, dong kờl lơh ală broă lơh dong kờl mpồl sền gàr tiah nhàr dà lơgar, lơgar Lào in.

Tìp bal hìu bơsram cấp 2 Bờ Y, càr Kon Tum mờ hìu bơsram cấp 2 Nang Heo, càr Attapư

Tu\ do, geh 3 anih lơh sa kă bro càr Kon Tum dan bơcri priă lơh sa tàm lơgar Lào mờ khà priă dan tus 330 tơmàn priă.

Ală anih lơh broă, mpồl lơh broă, ală kơnhoàl tàm tiah nhàr dà lơgar ală càr kung sùm tam gơl mpồl kuang bàng tus còp să, cri bơyai, tam pà jơnau tơng^t, bơsram bal broă mờng chài mờ lơh jăt tơngu me broă lơh bal tàm tơl gah broă lơh.

Ală càr đah jum lơgar Lào neh dong kờl càr Kon Tum bơyai lơh jòi rồ, tơrgùm [ồc ntìng mờ cèng rê 31 [ồc ntìng cau ling chơ\t màng neh chơ\t phi să tàm lơgar Lào rê hờ lơgar tòm.

Cau cih mờ yal tơng^t Ndong Brawl