VOV4.K’ho -  Pơn jờng kuang bàng cau ling sền gàr nhàr lơgar lơh kơnòl broă tàm tiah nhàr lơgar mờ gơnuar atbồ bal mờ làng bol ală ntum kuơmàng uă kal ke, càr Kon Tum crơng gơs rlau 10 mpồl lơh broă lòt còp, pà phan, nting săp sa tềp ai ală mpồl ling mờ bòn lơgar in. Tus còp, nting săp sa tềp ală pôs đồng ling sền gàr nhàr lơgar jăt gùng nhàr lơgar mờ 2 lơgar gơ\p bơ yô Lào mờ Campuchia, kuang bàng đơng lam atbồ càr Kon Tum rềp mềl ngan còp să mờ lùp broă rcăng wa\ rò sơnam pa sa tềp bơh kuang bàng, cau ling dê mơkung pà phan mờ 10 tơlăc priă, nàng pơ gồp tai tàm bơnah phan sa ngai sa tềp bơh ală cau ling dê. Bal mờ wa\ rò sơnam pa sa tềp, ală pôs đồng ling ndrờm geh lơh broă sùm, lòt sền gàr niam, sơlơ lơh tài ală broă lơh mblàng yal kờn sền gàr niam bơta ngăp lơngai gơnuar tờm ù tiah nhàr lơgar bơh dà lơgar dê.