VOV4.K’ho - Jăt Bảo hiểm xã hội càr Lâm Đồng yal, kờp tus jơh nhai 6 nam 2020 tàm càr geh 1 rơbô 778 mpồl lơh sa kă bro, hìu lơh sa kă bro dồs tă priă bảo hiểm xã hội rơlao 81 tơmàn đong.

Tàm hơ\ geh 10 mpồl lơh sa kă bro dồs bảo hiểm xã hội cau lơh broă bơh 8 nhai tus 95 nhai mờ kờp jơh khà rơlao 8 tơmàn đong. Geh pơnrơ ngan bè: Công ty TNHH Tâm Châu tàm [òn dờng Bảo Lộc dồs bảo hiểm 128 nă cau lơh broă tàm 16 nhai mờ khà mờr 3 tơmàn đong.

Tàm hìu bơto broă lơh cau dùl nă să lơh is Lạc Hồng kơnhoàl Đức Trọng geh 34 nă cau lơh broă, 81 nhai do gam gơtìp hìu bơto lơh broă do dồs priă bảo hiểm xã hội rơlao 2 tơmàn đong. Bảo hiểm xã hội càr Lâm Đồng pà g^t, geh bơta dồs bảo hiểm xã hội là tài mpồl lơh sa gơtìp kal ke tàm broă lơh, ờ tơl pràn tă priă bảo hiểm xã hội.

Mơya, geh ờ uă mpồl lơh sa kă bro geh tơl pràn tă priă bảo hiểm xã hội mơya gam ờ bài tă. Ală khà priă dồs bảo hiểm xã hội, bảo hiểm y tế mờ dồs priă nhai bơh ală mpồl lơh sa kă bro lơh gơtìp aniai uă ngan tus mờ gơnoar kuơ cau lơh broă dê.

Cau mblàng Ndong Brawl