VOV4.K’ho - Mho òr (26/2), mpồl duh broă Đảng, anih duh broă làng bol càr Lâm Đồng neh geh dơ\ lơh broă mờ anih lơh broă bal dunia lơgar Nhờk (JICA) bè rơndăp broă tơnguh bơtàu lơh sa suơn sre jăt broă tìp uă gah lơh broă mờ tơnguh niam tiah bơcri priă tàm gah lơh sa suơn sre bal mờ ală rơndăp broă lơh bal.

Tàm dơ\ lơh broă, 2 gah càr Lâm Đồng mờ mpồl lơh broă bal dunia lơgar Nhờk neh cri bơyai bal 7 tơngu me broă lơh bal kuơ màng tàm gah lơh sa suơn sre. Bàr gah geh tam gơl bal broă tơrgùm bal bè broă sền gròi bơ\t bơtàu broă tơnguh bơtàu khà măt phan kă bro càr Lâm Đồng in. Khà măt phan kă bro càr Lâm Đồng geh sền là geh bơta pràn tàm tiah do mờ dunia, mơya gam geh uă broă pal bơsong kờ` gơtùi lơh jơh bơta pràn neh geh lài, pờ gùng tơnguh bơtàu tơnơ\ do in. Bơdìh hơ\ tai, 2 gah kung tam pà bal bè bơta geh tu\ do bal mờ ală broă lơh geh cồng nha bè priă jền lơh sa suơn sre. Kuang bàng đơng lam càr Lâm Đồng đơs, Lâm Đồng lơh ngan lơh jăt broă tam gơl pa tàm lơh sa suơn sre, chồl pràn lơh sa suơn sre càr Lâm Đồng tơnguh bơtàu pràn. Mờ kờ` lơh gah khà do, càr Lâm Đồng geh ngui niam ală broă dong kờl bơh lơgar bơdìh, mờ tơnguh bơta pràn să tòm gơnoar atbồ bal mờ làng bol dê kờ` rài tơnơ\ do bal in.

        Cau cih mờ yal tơng^t Ndong Brawl