VOV4.K’ho - Là càr geh bơta pràn uă ngan bè broă lơh sa suơn sre công nghệ cao, tơngai do, càr Lâm Đồng sùm tơrgùm ală bơta pràn nàng chồl pràn gah lơh sa tòm do tơnguh bơtàu.

Tus tu\ do, bă ù lơh sa suơn sre ngui công nghệ cao càr dê neh geh rơlao 60 rơbô lồ, geh 20% khà bă ù tam phan, ai priă geh bơh broă tam phan 180 tơlăk đong tàm 1 lồ 1 nam, uă rơlao ngan pơn drờm mờ bè ờs bal gùt lơgar dê.

Mơya, broă tơnguh bơtàu lơh sa suơn sre công nghệ cao tàm càr Lâm Đồng gam gơtìp ală bơta kal ke uă ngan là kal ke bè priă.

Pe nam do, ồng Võ Quốc Khoa, cau tòm bơh dùl suơn mìng tam ală bơta bơkào kuơ màng jăt broă lơh công nghệ cao tàm xã Dà Ròn, kơnhoàl Đơn Dương sùm lòt tus tàm ală tiah nàng càn priă, pờ ơnàng broă lơh sa suơn dờng.

                                          Tơnguh bơtàu broă lơh sa suơn sre công nghệ cao pal geh uă priă

Bu\ lah bè hơ\, mơya khà priă geh càn ờ uă ngan pơn drờm mờ khà priă bơh phan geh tàm rơlao 10 lồ ù, broă lơh sa tài bè hơ\ den tàng kung kal ke nàng pờ ơnàng.

-Tu\ do a` gam lơh ngan jòi priă nàng càn di pal. Ngân hàng sồr càn pal geh phan ala, mờ phan ala gơnoar ngui ù lơh sa suơn sre den càn kung geh ờ uă priă. Mơya tàm mùl màl, ù do di lah kờp jăt khà priă tàm drà kă bro den geh uă ngan priă, di lah blơi tu\ do di pơgăp 30 tơmàn đong, mơya lòt càn den ờ geh uă.

Ờ tơl priă là kal ke bal bơh làng bol lơh broă sa bal mờ ală mpồl lơh sa kă bro lơh sa suơn sre công nghệ cao tàm càr Lâm Đồng dê. Geh pơnrơ ngan là Công ty TNHH Dà Làc GAP, geh sền là 1 tàm 12 mpồl lơh sa kă bro lam lài mờ tơnguh bơtàu pràn bè broă lơh sa suơn sre công nghệ cao tàm càr Lâm Đồng.

Công ty do geh bă ù lơh sa ơnàng 32 lồ geh khà VietGAP, tàm hơ\ geh 11 lồ hìu krơh pa. Ală mpồl ai càn priă tơl^k khà priă phan bơna, tàm hơ\ geh ù, hìu lơh broă, măi mo\k lơh broă... rơlao 80 tơmàn đong, mơya khà priă uă ngan mờ công ty càn geh mìng 2 tơmàn 800 tơlăk đong.

                                Làng bol lơh broă sa suơn sre gơtìp kal ke tàm broă jòi priă bơcri lơh broă

Ồng Lê Văn Cường, kuang atbồ Công ty TNHH Dà Làc GAP pà g^t: Khà priă do mìng tơl bơcri tàm 1 lồ hìu krơh, ờ hềt kờp ală khà priă tă tàm broă lơh sa suơn sre công nghệ cao ndai tai.

-Ngân hàng kung g^t broă bơcri priă tàm broă lơh sa suơn sre công nghệ cao den tu\ do gam geh kuơ niam, mơya tài cơ chế lơi hơ\ mờ ờ ai càn jăt broă lơh sa priă cồng ờ uă.

Bè tàm tiah hìu krơh bol a` dê tàm tơl lồ geh 7 tơmàn 600 tơlăk đong, mơya tu\ lơh sră den dà lơgar mìng ai càn 200 tơlăk đong mơ, pơn drờm mờ khà priă geh mùl màl là ờ geh uă ngan.

Ồng Đa Cát Vinh, Kuang atbồ Hội Nông dân càr Lâm Đồng pà g^t, bơcri priă tàm broă lơh sa suơn sre công nghệ cao pal geh priă uă ngan. Tơngai do, mpồl lơh broă do neh pơgồp bal mờ uă mpồl lơh broă gơrềng bal nàng jòi geh priă ai làng bol lơh broă sa in, mơya cồng nha ờ hềt uă.

Jăt Nghị định 55 bơh Chính phủ bè broă ai càn priă drơng tàm broă tơnguh bơtàu lơh sa suơn sre, [òn lơgar gam gơtìp uă bơta kal ke; broă càn priă bơh broă ai phan ala den ờ uă ngan, làng bol lơh broă sa mìng gam ai phan bơna ala mờ ngân hàng hơ\ sồng geh càn priă.

-Ngân hàng Nông nghiệp mờ Phát triển Nông thôn tu\ do kung gơtìp bơta kal ke sơl bè broă ai càn priă, tài ngân hàng sùm kờ` gàr niam broă lùp dồs den tàng pal geh ai phan bơna ala.

Mơya, jăt Nghị định sồ 55 den di lah càn bơh kes priă dong kờl làng bol lơh broă sa den ờ duh pal ai phan bơna ala, mìng geh bơ\t bơtàu ală broă lơh bơh mpồl ai càn priă là geh càn.

Mờ mùl màl broă do tu\ do ờ hềt lơh jăt, den tàng tơnơ\ do bol a` geh pơn jăt tai pơgồp bal mờ ală ngân hàng nàng jòi geh broă bơsong, lơh bè lơi nàng ală sră nggal càn priă geh [uơn ngan nàng làng bol geh càn priă.

Bơh tu\ do tus nam 2025, càr Lâm Đồng ai geh pơn jăt tai tơnguh bơtàu broă lơh sa suơn sre công nghệ cao jăt broă lơh tơl ală bơta, kơl jăp mờ pa. Tơngu me tòm lơh ngan tơnguh khà geh kuơ broă lơh sa suơn sre càr dê tus 220 tơlăk đong tàm 1 lồ 1 nam.

Kờ` geh khà do, càr Lâm Đồng pal gờ` bơsong ală tiah gơtìp bal ke bè priă càn ai broă tơnguh bơtàu lơh sa suơn sre công nghệ cao in, ai tơl bơta niam nàng làng bol lơh broă sa bal mờ mpồl lơh sa kă bro suơn sre geh broă brồ guh pa tàm broă lơh sa, tơnguh bơta kuơ mờ bơta niam phan geh lơh bơh broă lơh sa tàm broă tơrgùm bal lơh sa mờ dunia.

Cau cih Quang Sáng-Cau mblàng Ndong Brawl