K’ho - Ngai òr 07/05, tàm [òn dờng Dà Làc, càr Lâm Đồng, mpồl lam sồr dơ\ bơyai lơh pơrlòng jơh bơsram kai 3 dà lơgar nam 2015 càr Lâm Đồng neh bơyai lơh pơrjum cri bơyai bè broa\ rcang bơyai lơh dơ\ pơr lòng tàm càr Lâm Đồng. Pơnjat hơ\,  bè ua\ tiah ndai tàm gùt lơgar mut lơh broa\ lơh tam gơl pa bơh gah bơto bơtê mờ bơsram, dơ\ pơr lòng jơh bơsram kai 3 dà lơgar tàm Lâm Đồng nam do geh 2 mpồl pơr lòng: Mpồl pơr lòng cau pơr lòng Lâm Đồng mờ Ninh Thuận nàng pơr lòng geh sền dờp jơh bơsram kai 3 mờ sền nàng geh mut bơsram kai bơsram dờng, cao đẳng bơh hìu bơsram dờng Dà Làc bơyai lơh mờ mpồl pơr lòng lời tus càr Lâm Đồng pơr lòng nàng sền geh dờp jơh bơsram kai 3 bơh gah bơto bơtê mờ bơsram càr Lâm Đồng lơh. Jat jơnau yal bơh hìu bơsram dờng Dà Làc, dơ\ pơrlòng jơh bơsram kai 3 dà lơgar nam 2015 bơh mpồl  pơr lòng lời tus cau pơr lòng Lâm Đồng mờ Ninh Thuận tus pơr lòng nàng geh  sền mờ dờp jơh bơsram kai 3 dà lơgar mờ geh rwah mut tàm hìu bơsram dờng, cao đẳng geh rlau 18 rbô 600 na\ kơnòm pơr lòng, tàm hơ\ geh rlau 13.800 na\ la cau pơr lòng Lâm Đồng dê mờ rlau 4.700 na\ cau pơr lòng la bơh Ninh Thuận. Kờp du\, khà kơnòm pơr lòng do geh bơyai lơh tàm 652 cơldu\ pơr lòng bơh 22 naih di 18 hìu bơsram tàm [òn dờng Dà Làc tàm ala\ ngai 1, 2, 3 mờ 4 nhai 7 tus, ala\ môn pơr lòng geh toán, dà lơgar cau,  văn, vật lý, địa, hoá học, lịch sử mờ sinh, pah ngai  pơr lòng 2 môn.

                                      Cau mblàng K’ Brọp.