VOV4.K’ho - Mpồl đơng lam ling sền gàr tiah nhàr dà lơgar càr Quảng Bình pà g^t, ngai 18/7, dờp jơnau yal bơh cau lơh ka bè broă geh 1 mpồl ơhò lơh ka lơgar Lo gam lơh ka ờ di pal tàm tiah ngài mờ bồt Cồn Cỏ di pơgăp 12 hải lý hờ đah tô, gơwèt tiah dà lềng lơgar Việt Nam, mpồl ling do neh sồr ling tàm dà mpồl 2 ai 2 nơm ơhò ntoăt jờl bal mờ ală kuang bàng, cau ling tus lơh kơnòl.

Ală cau lơh broă tàm ală ơhò lơgar Lo lơh ka tìs mờ gơnoar dà lềng lơgar Việt Nam gơbàn mpồl ling sền gàr tiah nhàr dà lơgar càr Quảng Bình go\ mờ ting bơtrơh (Rùp geh mpồl ling sền gàr tiah nhàr dà lơgar càr Quảng Bình ai go\)

Tàm tiah do, mpồl ling sền gàr tiah nhàr dà lơgar go\ 6 nơm ơhò lơh ka geh tồt bồng bi lơgar Lo gam lơh ngan ntoăt dô. 2 nơm ơhò ling sền gàr tiah nhàr dà lơgar neh ting mờ ku\p geh ală ơhò do kờ` sền bơta tìs. 24 nă cau tàm 6 nơm ơhò lơh ka yal ndrờm là cau lơgar Lo, mơya ờ geh sră nggal să jan, ờ geh sră dan lơh broă ơhò lơh ka. Mpồl ling sền gàr tiah nhàr dà lơgar càr Quảng Bình neh lơh sră yă, lah ală ơhò lơh ka lơgar Lo neh tìs mờ gơnoar dà lềng lơgar Việt Nam dê, tơl^k khà cau do mờ sồr 6 nơm ơhò lơh ka do l^k bơdìh tiah dà lềng lơgar Việt Nam.

                     Cau cih mờ yal tơng^t Ndong Brawl