VOV4.K’ho – Là dùl tàm pe nă cau chài đơs crih tam ya bơh Anih jơnau đơs Việt Nam dê geh pà sră jờng rơ Cau chài Làng bol nam 2015 là dùl bơta chờ hờp dờng ngan tus mờ cau chài Hồng Ngát. Gơ wèt mờ bi, rài kis cau chài đơs crih tam ya dê geh ală tu\ jiơ gơ klo\ gơ crà tềng bơta àng ồs đèng anih lơh nàng lơh broă geh cồng nha ngan, pơn rơ ngan, mơya kung geh ală tu\ jiơ, mìng mờ ală muh mat jù tài bơh tơngai sa, ală bơta sền kờn gơboh bơh cau iat cau sền dê kung tơl nàng lơh gơs bơta gơkờn duh hồl uă ngan ai cau chài bơceh lơh in..

Bulah geh bơto là dùl nă cau lơh lèo, dùl rài bal mờ ală cau chài Xuân Hinh, Quốc Trượng, mơya rài kis den gơ lam wơl cau chài Hồng Ngát gơ gơs là dùl nă cau chài đơs crih tam ya bơh Mpồl đơs crih tam ya Anih jơnau đơs Việt Nam dê. Tơnơ\ tu\ lơh pơrya geh cồng nha mờ bàr jơnau lơh lèu “Quan Âm Thị Kính” mờ “Cau ùr ờ bơtuah”, bi rê lơh broă tàm Anih jơnau đơs Việt Nam mờ jơh nùs ngan tàm broă lơh ku\p săp wơl ală jơnau đơs pơnđick, jơnau đơs chèo bơhiàn yau, đơs crih akhar pa, đơs crih Văn…kờn drơng kơnòl broă gùng dră bal bơh Anih jơnau đơs Việt Nam dê. Tus tu\ do, neh 27 nam rê lơh broă tàm Anih jơnau đơs Việt Nam, gơ wèt mờ cau chài Hồng Ngát, den tơl jơnau đơs crih geh ku\p săp ndrờm gơlơh bè dùl bơta lòng să tờm he dê: “Tu\ he đơs crih tàm anih ku\p rùp halà đơs crih tàm anih ku\p săp den bơta đơs crih bơh cau chài dê pal pơyua jơh ală jơnau đơs crih, bơta kờn gơboh bơh he dê bơh săp đơs crih là uă ngan, ờ geh cau iat- ờ geh bơta lơh gơkờn. Cau chài đơs crih pal lơh ngan jơh pràn, jơh nùs mờ ngan là pal gơboh mờ broă lơh. He đơs crih bè do mờ tơnơ\ do he ờ geh bơta lơi đơs crih den cau iat kung gơlơh dil sơl, sền kung ờ go\ kờn tai ”

Tàm pơn jat ală cồng nha lơh geh bơh rơnàng cau bèp cau bi lòt lài dê, cau chài Hồng Ngát là cau pơgồp bơnah lơh gơs muh mat ală jơnau đơs pơnđick mờ gùng đơs crih bơhiàn yau tàm anih pờ tơlik anih jơnau đơs Việt Nam dê. Bơh là dùl nă cau chài lơh lèu tus tu\ gơ gơs là dùl nă cau đơng lam Hìu đơs crih bơh Anih jơnau đơs Việt Nam dê, Hồng Ngát sùm lơh ngan lơh bè lơi nàng gơ in tơl jơnau ku\p săp, ku\p rùp ngai sơlơ niam rlau mơya kung gam sền gàr geh bơta krơi is bơh tơl gùng đơs crih, tơl bơta đơs crih bơhiàn yau dê: “Tàm bơta geh bal bơh gùng đơs crih bơh yau dê, mìng gơtùi tam gơl akhar lơm, jat tơngume rài kis bơh tu\ tơngai dê. Ờ gơtùi lơh bơceh tàm bơrlu\ bal mờ gùng đơs crih ndai bè jơnau đơs crih chèo geh cau khin cha jak chài geh cau cau sò tơm, tàm hoài jà tàm săp ntas teh đờng…pơnyơu bè hơ\ den tu\ kờn yal dùl tơngume pa den kung gam pal ơn gơ tàm bơta geh bal bơh gùng đơs crih bơhiàn bơh yau hơ\ dê. Tu\ he đơs bulah akhar pa ngan mơya cau iat cau kung gam đal gi\t sơl gùng đơs crih bơhiàn bơh yau bơh ồng bèp he dê rài yau”.

Ờ ngòt bòl glar kal ke, bơh tu\ gam là dùl nă cau lơh lèo kơnòm să, Hồng Ngát sùm geh ală dơ\ lòt lơh broă ngài, cèng jơnau đơs crih pơn jờng nùs nhơm lơh broă, tam lơh bơh làng bol mờ cau ling tàm tiah nhàr lơgar, tiah bồt bơlào ngài ngan. Nam 1994, dơ\ sơn rờp Hồng Ngát lòt tus Trường Sa bal mờ ală oh mi là ală cau chài đơs crih tam ya. Ală dơ\ sơnguài bồ sùm tài bơh đìh ơ hò mơya kung ờ gơtùi lơh gơplơ\ nùs bơh bi mờ ală oh mi lòt bal dê, nàng tus dì tu\ ơ hò lòt tus anih, ală jơnau đơs crih chèo niam bơne\ ngan neh geh lơh neh lơh roh jơh ală bơta bòl glar kal ke tus jơh tơl nă cau in. “Bơdìh mờ đơs tàm dơ\ lơh tờm, den a` kung gam lòt bal mờ ală cau lơh bău lòt tus ală mpồl ling drơng gàr, ờ geh lòt sền dơ\ lơh đơs crih tam ya ngai hơ\ dê. Tê den ìa đuan, soh àu kăp bơhiàn yau lòt tus jơh mpồl ling do tus tai mpồl ling ndai nàng đơs crih mơya ờ go\ gơbàn bòl dùl e\t lơi ờ, mìng gi\t là tài bơh tu\ tơngai ơm còp bồt ờ jo\ den tàng mìng kờn geh đơs geh uă jơnau đơs crih nàng ai ală cau ling bơh he dê in iat lơm”.

Gơ wèt mờ ală cau chài kơnòm să, Hồng Ngát sùm là dùl nă cau bi jơh nùs jơh tồr ngan tề lam bơto tơngkah bal. Bơh tu\ gam dềt, cau chài jak ngan Minh Phương sùm sền bi là cau lam lài lơh krơh he in tu\ iat ală jơnau đơs crih bơh anih jơnau đơs Việt Nam dê pờ tơlik. Pơn jat tai lơh broă đơs crih tam ya, cau chài Minh Phương đơs là, bi bơtuah ngan tu\ geh lơh broă bal mờ cau chài Hồng Ngát: “Đơs crih tàm anih lơh ai cau in sền den krơi mờ ku\p săp den gơ lơh krơi is ngan. Ờ go\ di bè jơnau lơh lèo he pal bơtê wih bơtê wơl bàr nhai hơ\ sồng lơh mờ tu\ rê lơh broă tàm do, geh tu\ là pa dờp jơnau lơh lèo tàm ngai òr den ngai do là ku\p săp tơn. Mờ bơta mờng chài den bi sùm là dùl nă cau dong kờl ờ mìng gơ wèt mờ Minh Phương lơm gời mờ gam mờ ală cau đơs crih tam ya pa tai. Đơs ngan bi là dùl nă cau chài geh bơta jak tàm broă lơh, gơ wèt mờ broă lơh den tu\ lơi kung lơh niam ngan mờ sền gròi ngan tus cau đơs crih tam ya pa”.

Bơklau kung là cau pơgru bơh bi dê hơ\ là cau pơgru, cau bơceh jơnau Trần Quỳnh, ồng pa chơ\t. Bơta chờ hờp tu\ geh pà sră jờng rơ Cau chài Làng bol bơh bi dê kung ờ hềt thàn rê tam pà bal bơta chờ hờp mờ bơklau. Ờ geh tai dùl nă cau gi\t wa\ he mơya ndrờm bè tàm să jan bi, cau sùm sền go\ bơta pràn kơldang, pin dờn, rlau mờ bơta lơi jơh là bơta jơh nùs jơh tồr tài bơta niam chài!

          Cau cih mờ yal tơngi\t- Lơ Mu K’ Yến