VOV4.K’ho- Cau chài ku\p rùp Nguyễn Thành Trung, kis tàm sơnah [òn Lộc Tiến, [òn dờng Bảo Lộc, càr Lâm Đồng ờ mìng kờ` gơboh mờ ù tiah niam [òn lơgar, dà lơgar bơh tơl dơ\ ku\p rùp, mờ ồng gam gơboh kờ` lơh broă nùs nhơm dong kờl lơh hìu nùs nhơm pà cau rơ[ah in.

32 nơm hìu geh mờr 2 tơmàn đong geh ồng Trung tă pơgồp priă lơh mờr 4 nam do neh dong kờl uă cau gơtìp kal ke brồ guh tàm rài kis.

Ồng Nguyễn Thành Trung kờ` gơboh mờ broă lơh hìu nùs nhơm tàm nam 2017. Tàm dùl dơ\ lòt jòi tiah nàng ku\p rùp tàm xã Dà Mri, kơnhoàl Dà Huoai, càr Lâm Đồng go\ rài kis bơh cau mè gơtìp sơnrang ròng 2 nă kòn gam dềt kis tàm hìu sèt.

                  Cau chài ku\p rùp Nguyễn Thành Trung hòi jà tă priă lơh hìu aia lă hìu nhă kal ke in

Ala mờ broă ku\p rùp ù tiah niam, ồng neh ku\p rùp ală cau geh rài kis kal ke tàm hìu sèt tềng gah gùng. Sơnđàc hìu nhă 3 nă mè mờ kòn hìu K’ Tôi, ồng neh ai ală pang rùp tơl^k tàm internet nàng jòi geh cau tam pà bal. Ală jơnau cih bơh ală cau geh nùs nhơm niam dan tă pơgồp priă sùm geh pơyoa tus, mìng ờ hềt tơl 1 nhai, 60 tơlăk đong neh geh pơyoa tus ồng in nàng dong kờl lơh hìu nùs nhơm.

Tus tu\ do neh 3 nam, pơn jăt sùm 32 nơm hìu nùs nhơm ndai geh ồng dờp tă pơgồp priă dong kờl lơh hìu pà cau rơ[ah tàm ală càr Cà Mau, Đồng Nai, Ninh Thuận, Bình Thuận, Dak Lak mờ Lâm Đồng mờ khà mờr 2 tơmàn đong.

Nam 2017, ồng Lê Trung Thảo, kis tàm [òn Dlây, xã Nam Ka, kơnhoàl Lăk, càr Dak Lak là cau geh dờp hìu pa, geh cau chài ku\p rùp Nguyễn Thành Trung lơh pà. Ồng Thảo chờ hờp ngan tài neh tơn jơh rài kis kal ke neh uă nam tàm hìu sèt:

-Hìu nhă a` ưn ngài wa Trung mờ ală cau geh nùs nhơm niam neh dong kờl mờ kờ` bal mờ hìu nhă a` lơh geh dùl nơm hìu do. A` kơ\p kờ` geh uă cau bè a` geh sền gròi, dong kờl bè do nàng rài kis ngai sơlơ ring niam.

Kung ndrờm bè do sơl, lồi nam 2019, hìu nhă bi Hoàng Chí Trung, kis tàm [òn 8, xã Lộc Nam, kơnhoàl Bảo Lâm, càr Lâm Đồng kung bơtoah dờp geh hìu pa bơh cau chài ku\p rùp Nguyễn Thành Trung lơh pà sơl.

  Uă cau dong kờl mpồng hìu, găc, kiă nàng cau chài ku\p rùp Nguyễn Thành Trung lơh hìu pà cau rơ[ah in

Bi Trung yal, lài do să tòm là cau pơgru bơto cấp 1, mè bèp kis ngài, rài kis gam uă kal ke den tàng bàr nă ùr bơklao pal ơpah hìu ơm. Nam 2019, kòp plai nùs bơh bi gơtìp jroă, den tàng hìu nhă pal càn rơlao 200 tơlăk đong lòt tus [òn dờng Hồ Chí Minh nàng sơm.

Tài să ờ pràn kơl dang, den tàng hìu bơsram neh tơn jơh lơh broă, ală broă bơcri, priă blơi sơnơm, sơm kòp geh kơnờm tàm khà priă nhai bơto pah nhai bơh pơ-ùr. Dờp geh hìu pa geh wa Trung hòi jà ală cau geh nùs nhơm niam lơh pà, bi Trung chờ hờp đơs:

-A` den gơtìp kòp tê jê să den tàng rài kis broă lơh sa gơtìp kal ke ngan, kung ờ g^t tus tu\ lơi hơ\ sồng geh lơh dùl nơm hìu nàng bao kòn in. Bơtoah ngan kơnờm mờ wa Trung mờ ờ uă cau geh nùs nhơm niam neh sơnđàc dong kờl hìu nhă geh dùl nơm hìu pa. Hìu nhă a` chờ hờp ngan. Bơh hìu do, hìu nhă a` geh lơh ngan sơlèt mờ kòp tê jê să, brồ guh tàm rài kis.

Tàm sơnam 67, ala mờ broă ơm rơlô să, sơnam neh kra mờ oh kòn, kòn cao, cau chài ku\p rùp Nguyễn Thành Trung pơn jăt tai rơwah broă lơh să tòm dê mờ broă gơboh kờ` mờ broă lơh nùs nhơm dong kờl cau rơ[ah in.

Mờ dùl nơm măi ku\p rùp ồng ờ mìng prăp wơl ală pang rùp niam bơh ù tiah geh is bal mờ rài kis mờ ồng gam prăp gàr wơl ală pang rùp cau rơ[ah tàm ală gơl gùng ồng neh lòt gan.

-Go\ rài kis kal ke, a` mờng lòt tus tơn tàm tiah hơ\ nàng sền geh gơtùi dong kờl ală cau hơ\ lah ờ. Ha là geh ală rài kis a` go\ di pơgăp bơh 5 tus 7 nam tai là ờ gơtùi sơrlèt mờ kal ke den a` hòi jà. Geh cau, tu\ go\ a` yal den là geh dong kờl tơn, geh ală hìu a` mìng dan tàm 3 ngai là geh bơh 5 tus 60 tơlăk đong.

Geh tu\ rơ\p yal den neh geh mơ cau dan tă pơgồp priă nàng lơh hìu tơn. Tài ală cau do pin dờn a` là tu\ jào priă a` ờ geh ngui sa dùl đong lơi bơh cau dê. Cau pơyoa a` in 50 tơlăk đong den 50 tơlăk đong hơ\ geh lời nàng pà cau rơ[ah in jơh. Mờ nùs nhơm lơh broă a` dê kung bè tu\ lơh broă mờ gơnoar atbồ [òn lơgar a` kung đơs là ờ gơtùi sa dùl đong lơi bơh cau rơ[ah dê.

Ờ mìng tơriang tơriồng tàm broă pờ internet nàng hòi jà, lam sồr ală cau geh nùs nhơm niam tă priă dong kờl, ồng Trung gam lam sồr cau pròc mhàm, jơi nòi, bơyô rềp ngài tus bal tă priă nàng lơh tai uă hìu nùs nhơm pà cau rơ[ah in. Ală broă lơh kuơ màng bơh ồng Trung dê neh dong kờl uă hìu rơ[ah ngai sơlơ ring niam tàm rài kis.

Cau cih Tuấn Anh-Cau mblàng Ndong Brawl