VOV4.K’ho - Bồ nam 2016 do, Y Joel Knul là dùl nă cau đơs crih, bi là cau Rơđê, gam lơh broă tàm Mpồl đơs crih tamya kòn cau càr Daklak chờ hờp geh pà sră jờng rơ “ cau chài jak ngan” ai ală tă pơgồp bơh bi dê tàm broă lơh đơs crih tamya. Bi kung là cau chài Rơđê dơ\ 2 geh pồ pà sră jờng rơ do ( tơnơ\ [ồc cau chài làng bol Y Moan Ê`uôl). Tàm jơnau đơs ngai do, bol he tam tìp mờ boh bơr mờ bi Y Joel Knul:

Niam să bi Y Joel Knul. Geh git bi pa geh pà khà jờng cau chài jak ngan. Do là khà jờng dờng màng ngan ai ală cau lơh broă tàm gah chài rơgơi mờ tàm Tây Nguyên geh êt ngan cau geh pà khà jờng do. Bi gơtùi yal bơta sơnơng he dê tu\ geh pà khà jờng?

Bi Y Joel Knul: Lài ngan den a` kung gơ lơh ntrơt ngan, do kung là dùl bơta bơtuah bơtuài ngan tàm rài kis mờ tàm broă lơh chài rơgơi să tờm a` dê. Bơdìh mờ hơ\ den kung là dùl bơta lơh ngan, tài mùl màl mờ đơs den cau kòn cau he geh êt ngan cau chài, să tờm a` kung ờ sơnơng là geh jat broă lơh chài rơgơi halà gơs dùl nă cau chài. Mơya tài kờ` chài rơgơi đơs crih tamya, den tàng a` neh jat broă lơh do mơkung lơh geh ờ uă cồng nha, ai geh ờ uă khà jờng. Geh pà khà jờng cau chài jak ngan den do là dùl bơta chờ hờp mờ bơta pơn ìơ să dờng ngan, ờ mìng ai să tờm a` in, mờ gam ai jơh hìu nhă, mơkung là bơta pơn ìơ să bơh kòn cau he dê.

                                     Bi Y Joel Knul mờ mpồl đơs crih

Nàng lơh geh khà jờng do, den hơ\ là jơh dùl bơta lơh ngan brồ guh mờ jơh nùs tă pơgồp. Bi gơtùi yal dùl êt bè broă lơh ngan bơh să tờm dê nàng gơtùi lơh geh cồng nha bè tu\ do?

Bi Y Joel Knul: A` sơn đờm lơh broă tàm mpồl đơs crih tamya càr Dak Lak bơh nam 2001, tơnơ\ mờ tu\ tus bal pơr lòng “ Sao mai”. Să tờm a` kung sùm lơh ngan bơsram, nam 2002, a` mut bơsram tàm hìu bơsram dờng đơs crih tamya Hà Nội nàng tơnguh bơta chài lơh broă. Tus nam 2004 den a` tam gơl lơh broă tàm mpồl đơs crih tamya Đam San tàm càr Gia Lai. Tơngai hơ\ a` tus bal dơ\ ràng tơlik đơs crih tamya mờng chài gùt lơgar tàm Nha Trang mờ geh dùl gai lòng biàng. Hơ\ là gai lòng sơn rờp ngan tàm broă lơh đơs crih tamya a` dê. Nam 2009, a` rê wơl lơh broă tàm càr Dak Lak, lơh cau atbồ mpồl đơs crih. Pal tus nam 2012, tàm dơ\ ràng tơlik đơs crih tamya mờng chài gùt lơgar bơh càr Dak Lak bơyai lơh den a` ai geh gai lòng biàng mờ jơnau đơs crih bơh ồng Nguyễn Cường dê.

Ơi, bè hơ\ broă lơh tu\ do bi dê bè lơi? Rài kis bi dê geh tam gơl uă tơnơ\ mờ tu\ bi geh pà khà jờng cau chài jak ngan làh ờ?

Bi Y Joel Knul: Tu\ do a` là kuang jat jơng atbồ cơldu\ đơs crih, drơng broă atbồ mpồl cau chài đơs crih mờ cau bơceh jơnau đơs crih mpồl dê, pơlam oh mi pơlam tàp. Tus tu\ do den dilah đơs bè tam gơl, den rài kis ờ geh bơta lơi tam gơl uă. Digơlan mìng tam gơl tàm gùng sơnơng mờ nùs nhơm să tờm a` dê. A` go\ he dờng rlau, go\ chờ hờp uă rlau, do kung là bơta chờ hờp dờng ngan, tài đơs ngan den he kung gam kơnòm să, geh pà khà jờng do là pơn ìơ să ngan.

Geh git bi geh cồng nha ngan tàm gùng đơs crih rơle\ rơlùn, mờ neh geh tu\ geh khà jờng “ đơs gùng đơs crih rơle\ niam ngan rlau jơh” tàm dơ\ pơr lòng Sao Mai nam 2001. Bè hơ\ tu\ do bi geh pơnjat tai jat gùng đơs crih do halà tam gơl tus gùng đơs crih ndai?

                                            Bi Y Joel Knul mờ pơ-ùr

Bi Y Joel Knul: Lài do den kung geh uă bơta tơr lòng mờ sac rơ wah gùng đơs crih nàng đal git bơta pràn să tờm dê, mơya tu\ do den a` tơr gùm tàm gùng đơs crih Tây Nguyên, ngan là gùng đơs crih bơhiàn yau kòn cau Rơđê dê. Tài tu\ do, uă ngan cau kơnòm să ờ gam sền gròi tus ală gùng đơs crih bơhìan yau, ngan là jơnau đơs pơnđik kòn cau Rơđê. Den tàng, a` gam kờ` gơtùi tơr gùm jơh ală jơnau đơs pơnđik kòn cau Rơđê dê, jơnau đơs pơnđik Khan, Kứt, Ay-rei, đơs pơnđaing mờ uă bơta đơs pơnđik bơhìan yau ndai. Ngan là broă do kal ke ngan, mờ să tờm a` kung ờ hềt geh tơl bơta nàng mut lơh broă do, den tàng a` kơp kờ` tus do, dilah gơtùi den gah chài rơgơi tàp pràn să jan mờ nhơl chờ càr geh dong kờl mờ geh ală broă jòi tơr gùm, prap gàr ală jơnau đơs pơnđik bơhìan yau kòn cau Rơđê dê, nàng gơtùi prap gàr tus jơh rơnàng tơnơ\ do in, kung bè ai geh bơta [uơ nàng bơtàu tơnguh ală jơnau pơnđik do uă rlau.

Bè bi pa yal den gơtùi git là bi gam ờ suk mờ jơh nùs ngan mờ gùng đơs crih bơhiàn yau kòn cau dê. Bè hơ\ mờr tus bi geh ală jơnau kờp du\ lơi tàm broă lơh đơs crih tamya?

Bi Y Joel Knul: Ală bơta kơp kờ` lơh den gam uă ngan, bè a` neh yal, ờ mìng mờ ală jơnau đơs pơnđik kòn cau Rơđê dê mờ gam bal rơkhèl Đinh năm, uh kơ wờu, ală jơnau dròng cing mồng. A` neh kờ` bơh jo\ mơya kung ờ hềt gơtùi mut lơh, den mờr tus, a` kờ` bơtòm jơh ală cau chài jat broă lơh mờng chài, nàng gơtùi yal tàm lơgar kung bè lơgar ndai, dong uă cau git mờ wă rlau bè gùng đơs crih bơhiàn yau bơh kòn cau Rơđê dê, git tus ală bơta chài mờ ală oh mi đơs crih tamya kòn cau Rơđê he dê gơtùi lơh geh.

Ơi, mờ nùs nhơm, bơta kờ` gơboh mờ ală ờ suk bi dê tus mờ rài đơs crih tamya càr dê, ngan là gơ wèt mờ gùng đơs crih kòn cau, kơp kờ` bi gơtùi mut lơh ală jơnau kơp kờ` he dê, pơgồp bơnah bơtàu tơnguh tai ală bơta kuơ chài rơgơi kòn cau dê. Di bồ sơnam pa, nting sap bi mờ hìu nhă pràn kơldang, geh cồng nha. Ưn ngài bi uă ngan bè dơ\ boh bơr do.

                                                                  Cau cih mờ yal tơngit K’ Duẩn