VOV4.K’ho- Ală nam do, rài kis phan bơna mờ nùs nhơm bơh làng bol tàm [òn K’Long, xã Hiệp An, kơnhòal Đức Trọng, càr Lâm Đồng dê ngai sơlơ geh tơnguh loh làng ngan, bơta lơngap lơngai geh sền gàr kơ\, nùs nhơm tam klac bal cau tàm [òn lơgar geh tơnguh, tam klac at tê bal bơt bơtàu [òn lơgar pas sơm, niam bơne\. Kuơmàng, rbàng tơrbo\ đah Đảng, dà lơgar mờ mpồl bơtìan làng bol kòn cau K’ho tàm do sơlơ kơ\ kơljap, bơta kơp gơn broă dong kờl geh tơrmù, làng bol jơh nùs ngan ngui gơguh jak khoa học kỹ thuật tàm broă tam biap, bơkàu, tơnguh cồng nha lơh sa… Cồng nha hơ\ geh bơta tă pơgồp ua\ ngan bơh ồng K’Lèn, kra [òn mờ là Bí thư [òn K’Long.

Wă bol hi tàm hìu dờng, niam, wil tơl phan ngui, ồng K’Lèn, kra [òn mờ là Bí thư Chi bộ [òn K’Long, xã Hiệp An, kơnhòal Đức Trọng, càr Lâm Đồng chờ hờp pà git, tài trồ tiah nam do [uơn, phan tam gơs niam den tàng kàl tam bơkàu sa tềp do, làng bol tàm [òn pơn jat tai lơh geh cồng nha niam tàm broă lơh sa. Hìu lơi kung geh pria\ nàng blơi ală phan ngui kuơmàng, pơgồp bal bơta chờ hờp mờ [òn lơgar tàm dơ\ sa tềp bơhìan yau bơh jơi bơtìan dê.

Ồng K’Lèn yal, lài do, rài kis làng bol tàm [òn dê kal ke ngan, pria\ lơh geh ua\ ngan là kơ nờm bơh 2, 3 sàu kòi dùl kàl den tàng bơta jơgloh r[ah gơ jat sùm. Kơ nờm geh Đảng mờ dà lơgar sền gròi bơcri pria\ bè tơl bơta, lam lơh ua\ broă lơh dong kờl bơcri pria\, dong kờl khà pria\ ală sơntìl chi tam mờ tàm jàu bơta chài lơh broă. Bal mờ bơta mblàng yal, hòi jà bơh mpồl cau, mặt trận mờ gơnoar atbồ ală kấp “đảng viên lơh lài, [òn lơgar jat tơ nơ\”, làng bol tiah do hơ\ sồng hời rơ hời tam gơl bồ tơngoh kơ lôi sơ nơng, hời rơ hời bơsram, ngui công nghệ cao tàm broă lơh sa jat gùng dà tơnguh bơta kuơ lơh geh phan bơna dê.

Jat ồng K’Lèn đơs, kờ` làng bol đòm, pin dờn, git wă mờ lơh jat, mờ gơnoar broă là đảng viên den să tờm he pal là cau lơh krơh lài: “Lài ngan he pal rơcang jơnau git wă ai să tờm he in, pal git tơl làm ală gùng dà, broă lơh bơh Đảng mờ adat boh lam bơh dà lơgar dê den hơ\ sồng [uơn mblàng yal, hòi jà ai tơl nă làng bol in. Bơdìh hơ\ tai, tu\ lơh khat dùl broă lơi den he kung pal lơh lài, pơn yơu he lơh hìu krơh, hìu jàl lơh sa suơn sre ngui công nghệ cao nàng làng bol in bơsram, đòm jat. Dilah mìng mblàng yal mờ bơr den làng bol ờ gơtùi git, să tờm he pal lơh mờ jơh bal oh kòn he dê kung bè hơ\ sơl, tu\ sền go\ geh cồng nha lơh sa loh làng den làng bol hơ\ sồng lơh jat”.

Tam gơl pa tàm tiah [òn lơgar bơh càr Lâm Đồng dê

Đơs tus ồng K’Lèn, làng bol tàm [òn K’Long cau lơi kung ndrờm ki ngàm lơm. Ồng Phan Mai Khoa, Phó Bí thư, Chủ tịch Hội đồng Nhân dân xã Hiệp An, kơnhòal Đức Trọng đơs là, bơta hơ\ ờ di mìng là tài bơh să tờm ồng K’Lèn là Bí thư Chi bộ [òn K’Long, cau kra [òn, mờ là cau Đảng viên sùm lam lài tàm tơl broă lơh nàng làng bol in đòm jat. Bơta ki ngàm hơ\ gam ai tơnggo\ bơh tơl khà nùs tồr, niam chài tàm rài kis mờ ală broă lơh ngan ngồn tàm rài kis [òn lơgar. Gơ wèt mờ broă lơh bơt bơtàu Đảng, bơt bơtàu mpồl lơh broă chính trị pràn kơldang, kơ\ kơljap, Chi bộ [òn K’Long kung sùm là dùl tàm ală mpồl lam lài, ua\ nam sùm sàng goh, pràn kơldang, kơ\ kơljap mờ khà đảng viên gơguh tus 25 nă, tàm hơ\ geh ua\ Đảng viên kơ nòm să là cau kòn cau. Cồng nha do geh bơta tă pơgồp jơh nùs ngan bơh Bí thư Chi bộ [òn K’Long dê, ồng K’Lèn. Ồng Phan Mai Khoa đơs: “Bí thư Chi bộ [òn K’Long là cau jơi bơtìan kòn cau dùl êt cau, mơya lơh jat kơ nòl broă geh jàu niam ngan, tàm hơ\ pal đơs tus kơ nòl broă bơh broă lơh bơt bơtàu Đảng, bơt bơtàu mpồl chính trị tàm kấp hơ đơm geh cồng nha niam. Kuơmàng, K’Long là [òn làng bol jơi bơtìan kòn cau dùl êt cau mơya tu\ do broă bơtàu tơnguh lơh sa neh kơ\ kơljap”.

{òn K’Long geh rlau 90% là làng bol kòn cau K’ho, ua\ ngan kis mờ broă lơh sa suơn sre. Tàm ală nam rềp ndo, bơdìh mờ broă sền gròi bơtàu tơnguh lơh sa mờ rài kis, làng bol tàm [òn gam tus bal jơh nùs mờ lam lơh geh cồng nha ală srơh tàm pơrlòng kờ` gơboh dà lơgar, ală broă lơh, dơ\ lam sồr bơh [òn lơgar lam lơh. Bơh hơ\, muh mat [òn lơgar ngai sơlơ tam gơl pa, ală bơhìan ờ niam geh sơbì, nùs nhơm kơp gơn bơta dong kờl geh sang te\, rài kis niam chài gơguh jak ngai sơlơ geh tơnguh.

Bulah bè hơ\, jat ồng K’Lèn, Bí thư chi bộ [òn K’Long pà git, ua\ ngan làng bol bulah neh bơtàu tơnguh lơh sa suơn sre jat gùng dà công nghệ cao mơya cồng nha cèng wơl kung gam ờ hềt ua\. Den tàng, pal pơn jat tai geh ală bơta sền gròi, ai tơlik lài gùng dà bơh Đảng mờ dà lơgar dê tàm broă đơng pơlam lơh sa, tơnguh bơta niam mờ bơt bơtàu mat kă bro. Geh bè hơ\ den [òn K’Long hơ\ sồng geh tai bơta niam nàng kơ\ kơljap bơtàu tơnguh. Ồng K’Lèn đơs: “Ală bơta kơp kờ` den gam ua\ ngan, a` kơp kờ` là pơn jat tai chồl pràn broă mblàng yal bơh ală kấp, ală gah broă lơh dê, tàm hơ\ sền gròi tus broă pơlam làng bol lơh gơlik ală phan bơna bơh suơn sre geh cồng nha lơh sa ua\, ngan là ală broă lơh lơh bal lơh sa geh cồng nha mờ ală tiah ndai neh lơh gơtùi. Bơdìh hơ\ tai, kung kờ` ngan geh bơta dong kờl bơh Đảng mờ dà lơgar dê tàm broă đơng lam, ai tơlik lài gùng dà bè broă tam biap, bơkàu bè lơi nàng gơ in geh cồng nha rlau tai, nàng geh mat kă bro, geh bè hơ\ den hơ\ sồng làng bol gơtùi gơ rờm bal ua\ rlau mờ tơnguh niam rài kis”.

Mờ ală tă pơgồp jơh nùs tàm broă lơh bơt bơtàu Đảng, bơt bơtàu mpồl lơh broă chính trị mờ bơtàu tơnguh rài kis lơh sa mpồl bơtìan bơh [òn lơgar dê, ồng K’Lèn, cau kra [òn mờ là Bí thư chi bộ [òn K’Long neh dờp geh ua\ ngan bằng khen, sră jờng bơh kơnhòal Đức Trọng mờ càr Lâm Đồng dê. Dipal ngan là cau đảng viên lơh krơh lài, là cau kra [òn geh bơnhă pin dờn bơh [òn lơgar dê nàng kòn sau in đòm jat.

Cau cih Quang Sáng- Cau mblàng K’Duẩn