VOV4.K’ho – Ua\ kơnòm bơsram r[ah digơlan pal sang te\ bơsram neh geh bi Nguyễn Ngọc Khôi, Bí thư Đoàn ơruh pơnu sơnah [òn 10, [òn dờng Dà Làc, càr Lâm Đồng dong kờl tus hìu bơsram. Bơh bơta hòi jà bi dê, ală cau dùl nă să, mpồl bal neh dong kờl hìu bơnhă ală oh sơr lèt gan kal ke.

Mè gơtìp kòp ung thư tuyến giáp, broă phụ hồ bèp dê den ờ kơljap lơh 3 nă oh mi: Nguyễn Thị Huyền (kơnòm bơsram ơdu\ 7A, hìu bơsram kấp 2 Phan Chu Trinh), Nguyễn Hoàng Mạnh Anh (kơnòm bơsram ơdu\ 4A, hìu bơsram kấp 1 Hùng Vương) mờ Nguyễn Hoàng Minh Quân (4 sơnam, hìu bơsram mầm non sơnah [òn 10) digơlan pal sang te\ bơsram. 

               Bi Khôi mờ ală cau geh nùs nhơm niam pà rơndeh coh, phan ngui bơsram ai ală kòn bi Phương dê in

Bi Hoàng Thị Phương, mè ală oh dê yal, 2 nă ùr bơklau bi mờ 3 nă kòn dềt mut tàm [òn dờng Dà Làc lơh ơpah mờr 10 nam do. Broă lơh ờ kơ\kơljap, să tờm gơtìp kòp ung thư den tàng rài kis hìu bơnhă mờ broă bơsram sră bơh ală kòn dê mìng kơ nờm ràm broă lơh phụ hồ bơh bơklau dê lơm. Pah nhai tă tơm pria\ ơpah hìu, pria\ kham kòp, blơi sơ nơm kung roh mờr 5 tơlak đông. Dilah ờ geh bi Khôi, Bí thư Đoàn ơruh pơnu sơnah [òn 10 dong kờl den hìu bơnhă ngan là ờ gơtùi ai ală kòn tus hìu bơsram: 

“A` ưn ngài Đoàn ơruh pơnu sơnah [òn mờ ală cau geh nùs nhơm niam neh dong kờl hìu bơnhă a` dê tàm tu\ kal ke. Bơh tu\ Đoàn sơnah [òn dơng kờl hìu bơnhă in den ală sau pơn jat tai geh lòt bơsram”.

Bơh bơta hòi jà bơh bi Khôi dê, tus tu\ do, hìu bơnhă bi Phương neh dờp geh bơta dong kờl bơh ală mpồl bal, cau dùl nă să geh nùs nhơm niam dê rlau 90 tơlak đông. Ờ ua\ mpồl lơh broă tàm càr kung neh lòt còp, pà rơndeh coh, kong tàp ală oh in. Bơdìh hơ\ tai, geh 2 nă mè bèp kơnòm bơsram gam dờp dong kờl oh Huyền pah nhai 1 tơlak đông tus tu\ bơsram jơh ơdu\ 12. Oh Nguyễn Hoàng Mạnh Anh ngoh rơngac: “Sau ưn ngài ală wa bơh Đoàn ơruh pơnu dê neh dong hìu bơnhă sau sơr lèt gan kal ke. Geh lòt bơsram mờ ală bơyô, sau geh lơh ngan bơsram jak nàng mè bèp in iang nùs”.

Ndrờm bè hơ\ sơl, hìu bơnhă 2 nă oh Cao Lưu Quỳnh Anh mờ Cao Lưu Quỳnh Thu, kơnòm bơsram hìu bơsram kấp 1 Hùng Vương, sơnah [òn 10, [òn dờng Dà Làc kung geh rài kis kal ke ngan sơl. Mè ală oh dê gơtìp kòp, pah poh pal jồr leh 3 dơ\. Tơl pria\ tă dơ\ ngui tàm hìu bơnhă kung mìng kơ nờm tàm pria\ lơh phụ hồ bơh bèp dê. Bơh bơta hòi jà bi Khôi dê, ală oh neh geh cau geh nùs nhơm niam dong kờl mờ dờp geh bơnah dong kờl 1 tơlak đông pah nhai tus tu\ ală oh bơsram jơh đại học. Oh Cao Lưu Quỳnh Thu, kơnòm bơsram ơdu\ 2B, hìu bơsram kấp 1 Hùng Vương ưn ngài ngan tơl nă cau neh dong kờl hìu bơnhă: 

“Sau dan ưn ngài ală cau pơgru, ală wa bơh Đoàn ơruh pơnu sơnah [òn dê neh dong kờl hìu bơnhă sau, nàng mè sau dê geh sơm kòp, oh mi sau dê geh lòt bơsram”.

Tu\ do bi Khôi neh hòi jà geh 7 mpồl, anih lơh broă dong kờl 10 nă kơnòm bơsram geh rài kis kal ke pơn jat tai geh lòt bơsram. Jat bi Nguyễn Ngọc Khôi, Bí thư Đoàn ơruh pơnu sơnah [òn 10, [òn dờng Dà Làc yal, nàng ală kơnòm bơsram in ờ duh pal sang te\ bơta kơp kờ` geh tus hìu bơsram den kờ` pal geh bơta pơ gồp dong kờl bơh ua\ cau dê: “Bol hi kơp kờ` broă lơh bơh Đoàn sơnah [òn dê geh gơ rề ua\ nàng cau kơnòm să [òn dờng Dà Làc đơs is, kung bè cau kơnòm să càr Lâm Đồng đơs bal geh at tê bal dong kờl ală oh geh rài kis kal ke. Nàng ală oh ờ gam pal bàs sìl mờ mpồl bơtìan bè rài kis he dê, nàng ală oh in geh lòt bơsram bè ală bơyô ndai”.

Ờ mìng lòt hòi jà tơn, bi Khôi gam pờ tai Fanpage bơh Đoàn sơnah [òn dê nàng hòi jà ală mpồl bal, cau dùl nă să, ală cau geh nùs nhơm niam tàm càr mờ bơdìh càr dong kờl tai ua\ kơnòm dềt kal ke, cau kra kis dùl nă să is. Mò Mai Thị Tuyết, Chủ tịch Hội Chữ thập đỏ sơnah [òn 10, [òn dờng Dà Làc đơs là, ală broă lơh geh kươ bơh bi Khôi dê neh dong ua\ kơnòm bơsram geh tai bơta [ươn nàng lòt bơsram, jat bơta kơp kờ` he dê:

“Đoàn ơruh pơnu tu\ do ờ mìng tơr gùm tàm broă bơyai lơh pơrjum mờ khi gam git lòt lơh broă niam dong kờl cau tai. Khi git tam pà mờ tơl nă cau, den tàng broă lơh dong kờl mpồl bơtìan bơh ơruh pơnu dê tu\ do geh tơl nă cau đơs niam ngan. Ală oh sùm git wă lòt jòi git bơta geh ngan, jòi git ală cau geh đơs tàm sră [a\u, rơdio nàng jòi bơta dong kờl. Do là broă lơh geh kuơ mờ Hội Chữ thập đỏ sơnah [òn jờng rơ ngan”.

Ală broă lơh niam bơh bi Nguyễn Ngọc Khôi dê, cau đơng lam Đoàn ơruh pơnu sơnah [òn 10, [òn dờng Dà Làc neh dong ua\ kơnòm dềt geh rài kis kal ke tus hìu bơsram, dong kờl ală cau kra kis dùl nă să is là pal sền ngềr ngan.

Cau mblàng K’Duẩn