VOV4.K’ho - Kơnờm mờ g^t kơlôi sơnơng tàm broă lơh sa, den tàng tàm nam do, cau geh Đảng kơnòm să A Hủ kis tàm xã Măng Cành, kơnhoàl Kon Plông, càr Kon Tum neh geh priă cồng mờr 200 tơlăk đong bơh broă lơh sa suơn sre mờ broă lơ-òr, pơn diang phan lơh broă ai làng bol tàm xã in.

Mu\t lơh broă bơh ală bơta geh tòm bơh [òn lơgar dê, klao pơnu kòn cau Sơdàng do neh pơgồp bal bơta pràn să tòm ai broă bơ\t bơtàu [òn lơgar pa in mùl màl tàm tiah làng boll kòn cau.

Bu\ lah trồ mìu, mơya bi A Hủ (33 sơnam, kòn cau Sơdàng Mơ Nâm) kis tàm [òn Măng Cành (xã Măng Cành, kơnhoàl Kon Plông) gamn `hăp `har lam bol a` lòt còp suơn tam tòm sơnơm đương quy hìu nhă dê. Bi A Hủ pà g^t, trồ tiah tàm do gơdờp ngan mờ tòm chi lơh sơnơm do, den tàng kàl pa do, bi tam 1 sào mờ tăc geh 6 tơlăk đong.

Pơn drờm mờ broă tam ală bơta phan tam tàm broă lơh sa suơn sre ndai den phan tam do geh priă uă rơlao ngan; ală broă sền gàr, tơnhào kung ờ kal ke. Den tàng, tàm nam tus, bi geh tam gơl di pơgăp 5 sào ù tam bùm blàng nàng tam tòm sơnơm đương quy tai.

Bi A Hủ pà g^t, nam 2002, UBND kơnhoàl Kon Plông sồr bi lòt bơsram broă lơh cơ điện [òn lơgar tàm [òn dờng Hồ Chí Minh. Tus nam 2005 bi jơh bơsram, tài hìu nhă kal ke, mờ tiah lơh broă ngài, den tàng bi ơm tàm hìu lơh broă dong kờl hìu nhă mờ jòi bao.

Tơriang tơriồng tàm broă lơh sa suơn sre, bi A Hủ gam pờ tai hìu lơh niam wơl ồs đèng ngui mờ ală bơta măi rơndeh lơ-òr làng bol tàm xã in, den tàng priă geh tàm rài kis bi dê kung uă rơlao. Kơnờm mờ hơ\, den tàng mìng tơnơ\ mờ 3 nam, hìu nhă bi neh klàs mờ rơ[ah.

Ală broă lơh ngan bơh bi dê neh geh Chi bộ, Chi đoàn [òn dờp, den tàng tus nam 2009, bi pơnyờ să ngan geh tơmu\t Đảng. Nam 2010, bi geh pồ lơh Phó Bí thư Đoàn xã. Tàm tơngai lơh kuang bàng Đoàn, bi sùm tus, lam sồr ală đoàn viên, ơruh pơnu lơh jăk ală gùng dà broă lơh, adăt boh lam bơh Dà lơgar, tàm hơ\ uă ngan là gùng dà broă tơnguh bơtàu lơh sa hìu nhă kờ` bơ\t bơtàu bal [òn lơgar ngai sơlơ pas gơs mờ niam bơne\.

Bal mờ 3, 4 sào ù kờ` lơh sre, tam bùm blàng, bi A Hủ neh càn priă bơh Ngân hàng Chính sách xã hội kơnhoàl pờ ơnàng bă ù tam phan mờ tơnguh bơtàu broă ròng rơpu, kơnrồ, sur, iar. Tu\ do, hìu nhă bi neh geh 3 lồ ù, tàm hơ\ bi tam 2 lồ bùm blàng (geh rơlao 20 tơlăk đong tàm 1 nam); 6 sào sre lơh kòi 1 kàl (geh 10 tơlăk đong), 1 sào ù tam tòm sơnơm đương quy (geh 6 tơlăk đong tàm 1 nam). Bơdìh hơ\ tai, bi gam ròng 6 nơm rơpu, 5 nơm be, iar, ơda kờ` tăc mờ kờ` sa tàm hìu nhă tòm.

Go\ broă kờ` ơpah rơndeh lơ-òr nàng lơ-òr sre, pơn diang phan geh lơh bơh broă lơh sa suơn sre, phan bơ\t bơtàu làng bol tàm xã geh uă, den tàng bi neh bơcri 180 tơlăk đong blơi dùl nơm rơndeh lơ-òr geh rơmook kờ` drơng tàm broă pơn diang phan làng bol in, geh 10 tơlăk đong tàm 1 nhai. Bơh tàm broă geh uă bơta priă, jăt jơnau kờp bơh bi A Hủ dê, tàm nam do, hìu nhă bi geh priă cồng mờr 200 tơlăk đong.

Kơnờm mờ broă g^t prăp priă, den tàng lồi nam pa do, bi neh lơh hìu hờ đang mờ mpàn, tìm mờ sơlo niam, jơh rơlao 200 tơlăk đong. Bi A Hủ pà g^t, tàm tơngai tus, bi geh tam tai 5 sào sơnơm đương quy, ròng tai rơpu tus 10 nơm.

Bơh dùl hìu nhă gơtìp rơ[ah, tus tu\ do, hìu nhă bi A Hủ neh tơl ngui tơl sa, hìu geh lơh niam, blơi tơl ală phan ngui tàm hìu nhă. Bơdìh hơ\ tai, tơnguh nùs nhơm geh kơnòl bơh dùl Bí thư chi bộ mờ lơh tơn kuang atbồ [òn, Bi A Hủ sùm lam sồr làng bol tơriang tơriồng tàm broă lơh sa kờ` tơn jơh rơ[ah kơl jăp, rơhời brồ guh lơh pas di pal.

Cau mblàng Ndong Brawl