VOV4.K’ho - Ngai òr (02/12), càr Lâm Đồng neh gŏ tai 129 nă cau gơtìp kòp Covid-19 pa, tơnguh khà cau gơtìp kòp tàm càr do tus 3 rơbô 623 nă.

      Nàng tơmù hăt ir cau tàm ală anih sơm kòp, càr Lâm Đồng tơlik kơrnoăt ai cau F0 sơm kòp tàm hìu

Khà cau gơtìp kòp Covid-19 tàm càr Lâm Đồng neh gơguh uă rơlao 9 dơ̆ pơn drờm mờ tŭ càr sơn đờm ngui ală broă lơh thoàr broă tam cah ngài mpồl bơtiàn. Nàng tơmù gal ir cau tus tàm ală tiah sơm kòp cau kòp Covid-19, UBND càr Lâm Đồng neh tơlik kơrnoăt lơh jăt broă sơm kòp cau F0 tàm hìu. Jăt mờ hơ̆, cau F0 sơm kòp tàm hìu là cau gơtìp kòp Covid-19 ờ geh tơngŏ kòp, ha là geh tơngŏ ờ jroă; ờ gŏ ală bơta tơngŏ bơh kòp as sồt klờm soh ha là ờ tơl oxy, mờ là cau neh cit tơl 2 ding ha là 1 ding sơnơm vaccine kòp Covid-19 tơnơ̆ mờ 14 ngai... Bơdìh hơ̆ tai, cau F0 sơm kòp tàm hìu gam pal lơh jăt mờ ală bơta pal geh bè phan bơna, gàr tơl niam phan tam cah is lơh sơnơm.

Cau mblàng Ndong Brawl