VOV4.K’ho - Bơh ală ngai bồ nhai 3, ală mpồl lơh broă mpồl ơruh pơnu tàm càr Dak Lak neh bơyai lơh uă broă lơh dong kờl is tài mpồl bơtiàn, dong ală hìu nhă kal ke, bơyai lơh ală mpồl lơh broă dong kờl is tus ală ntum tiah sar lơgar ngài nàng dong kờl cau rơbah. Bi Y Nhuần Buôn Giá kuang atbồ mpồl ơruh pơnu càr Dak Lak, pà git, mpồl ơruh pơnu càr neh dờp git ală tơngume kuơ màng tàm nhai, gơ jat bal mờ tơngume nhai mờ tơngume nam nàng đơng lam 1 ròt tus mpồl ơruh pơnu ală kơnhòal, ntum mut lơh. Bơh hơ\, mpồl ơruh pơnu ală kơnhòal, ntum geh ală broă lơh ngan ngồn, di mờ bơta geh ngan tàm mpồl lơh broă he dê. Bi Y Nhuần Buôn Giá pà git:“Nam do den mờ tơngume - Pơn yờ să lòt jat bùng bi Đảng dê”, ai tơng go\ nùs nhơm lơh broă dong kờl is den kung gam bơyai lơh ai is mhàm mờ mut lơh ală hìu nùs nhơm ai hìu nhă geh khà sră dong kờl bơh dà lơgar, tus còp ală hìu nhă kal ke tàm ală hìu sơ nơm. Bal mờ hơ\ den 1 ròt ală kơn hòal ndrờm bơyai lơh ală broă lơh wèt hờ tơngume nam do, den tu\ do ală kơnhòal ndrờm lam lơh mờ bơyai mut lơh ală broă lơh ơruh pơnu. Tơl mpồl lơh broă ơruh pơnu tàm bòn lơgar ndrờm bơyai lơh pơrjum tơngume bè Đảng, tìp mat cribơyai mờ mpồl Đảng, gơnuar atbồ nàng lơh geh bơta sền gròi Đảng dê tus mờ ơruh pơnu.”

                                                }au mblàng K’ Duẩn