VOV4.K’ho – Rơndăp cih sră nggal yal tàm Pơrjum dờng dơ\ 12 bơh Đảng dê gam geh bơyai lơh ai jơnau đơs tă pơgồp bơh ală rơnàng làng bol dê. Gơ wèt mờ ală cau bơsram dờng tàm gah bơsram cribơyai gùng dră bal, hìu bơsram dờng Tây Nguyên dê, do ờ mìng là tu\ nàng ală oh sền sơ wì, jòi gi\t sră nggal pơrjum dờng Đảng dê mờ gam là tu\ tơngai niam nàng ală oh geh jơnau đơs tă pơgồp tàm ală bơta dờng màng bơh dà lơgar dê:

Gam tàm tu\ tơngai cih jơnau tơn jơh bơsram kai bơsram dờng, kung là tu\ Sră nggal rơndăp cih Pơrjum dờng dơ\ 12 bơh Đảng dê geh bơyai lơh ai jơnau đơs tă pơgồp bơh làng bol, cau jak, cau geh bồ tơngoh bơsram sră jak tàm gùt lơgar dê, mpồl cau bơyô kơnòm să là Nguyễn Văn Hoàn, Nay Chương, H’Nư M’lô, cau bơsram dờng ơdu\ Triết nam 2012, Gah lý luận chính trị, hìu bơsram dờng Tây Nguyên dê sền broă sền, jòi gi\t Rơndăp cih sră nggal pơrjum dờng dơ\ 12 bơh Đảng dê là ală dơ\ cribơyai geh kuơ ngan. Tài bơh uă bơta geh cih tàm rơndăp cih sră nggal pơrjum dờng dơ\ 12 bơh Đảng dê kung là ală tơngume mờ ală oh geh mu\t lơh tàm jơnau cih tơn jơh kai bơsram dờng gah triết học. Nay Chương, cau Jarai, là cau tàm mpồl do pà gi\t: “Bol oh lam cribơyai, tă pơgồp jơnau đơs mờ yal tơngi\t ală jơnau kơlôi sơnơng bơta kơ\p kờn nàng tă pơgồp mờ tam gơl wơl gơ in dipal. Dùl đah là đơs niam ală gùng dà broă lơh bơh Đảng mờ kơrnoat boh lam dà lơgar dê, tàm ală tu\ đòm jat mu\t ngui mờ bơh hơ\ cribơyai, ai geh ală jơnau pa mờ đơs tờm ală bơta hơ\ nàng tàm pơndrờm mờ bơta geh ngan mờ jat ngui tàm gah bơsram bơh bol oh dê”.

Bơh kơlôi sơnơng Sră nggal pơrjum dờng dơ\ 12 bơh Đảng dê mờ bơh tàm bơta geh ngan tàm rài kis bơh làng bol ală kòn cau tàm ntum Ea Hồ, kơnhoàl Krông Năng, càr Dak Lak dê, tiah mờ oh ơm kis, H’Nư M’lô, cau Rơđê đơs là: rơndăp cih Sră nggal Pơrjum dờng dơ\ 12 pơn jat tai tơngo\ bơta sền gròi bơh Đảng mờ Dà lơgar dê tus mờ tiah sar lơgar ngài, tiah làng bol kòn cau. Mơya, kung gam geh bơta tam cah ngài uă ngan bè bơta pas sơm mờ r[ah lơ ời đah tiah drà mờ tiah [òn lơgar, tiah kòn cau; broă đòm jat ală bơta jak chài pa tàm broă lơh sa gam ờ hềt pràn, broă lơh sa gam lơh sa dềt mờ rah rài, ờ hềt crơng gơs geh tiah sùm tam phan kă bro, pràn tam pơrlòng bơh phan lơh gơs bơh sươn sre dê gam ờ jak.

Den tàng bè hơ\, nàng chul chồl bơtàu tơnguh lơh sa mpồl bơtiàn tàm tiah sar lơgar ngài, tiah làng bol kòn cau, H’Nư M’lô geh jơnau tă pơgồp bè do: Đảng mờ Dà lơgar pal pơn jat tai geh ală gùng dà broă lơh, bơcri priă tàm broă lơh dờng màng tơrgùm bal, lơh geh tơl ală bơta ai làng bol in bơtàu tơnguh lơh sa. “Bè bơta lơh sa, oh sền go\ broă đòm jat bơta jak chài pa tàm broă lơh sa mờ măy mok jak chài pa den oh sền go\ tàm tiah kơh bơnơm là ờ hềt geh ngui măy mok halà măy mok jak chài pa. Oh kơ\p kờn là Đảng geh ală gùng dà broă lơh gơtùi jat ngui uă rlau mờ geh bơta sền gròi uă rlau tàm gùng dà broă lơh nàng jat ngui măy mok jak chài pa tàm tiah sar lơgar ngài, tiah kơh bơnơm nàng tơnguh jơnhoa cồng nha lơh broă ai làng bol in”.

Sền gròi tus bơta bơtàu tơnguh bơto bơtê, oh Nguyễn Văn Hoàn, cau bơsram dờng ơdu\ Triết nam 2012, gah lý luận chính trị, hìu bơsram dờng Tây Nguyên dê đơs là: broă gi\t jơnau kờn “Tam gơl pa tơl jơh mờ tơl làm bơto bơtê, tơnguh jơnhoa mpồl cau lơh broă geh bồ tơngoh bơsram sră jak; lơh pràn bơtàu tơnguh, jat ngui măy mok jak chài; brồ guh gơnoar broă broă lơh dờng màng khà dùl dà lơgar bơh bơto bơtê mờ jak chài măy mok dê tus mờ broă lơh tam gơl pa mờ bơtàu tơnguh bơh dà lơgar dê” tàm rơndăp cih Sră nggal Pơrjum dờng dơ\ 12 bơh Đảng dê là pơn jat tai đơs tờm bơta sền gròi bơh Đảng dê tus mờ bơtàu tơnguh bơto bơtê. Mơya, broă mut lơh tam gơl pa bè lơi nàng lơh geh jơnau kờn “tam gơl jơh mờ tơl làm” kung là jơnau kuơmàng mờ kờn pal sền wơl cồng nha bơh bơta geh ngan tam gơl pa tàm ală nam do bơh Gah Bơto bơtê mờ bơsram dà lơgar dê. Oh Nguyễn Văn Hoàn, geh jơnau đơs bè do: “Tài gam là cau bơsram dờng den tàng bơta oh sền sơnơng uă ngan rlau jơh là bơta bơto bơtê. Gơ wèt mờ bơta bơto bơtê, oh sền go\ geh bàr pe bơta, bơh lài tus tu\ do, Gah Bơto bơtê mờ bơsram dà lơgar mu\t lơh tam gơl pa, lơh tam gơl uă dơ\ ngan mờ uă broă ngan. Tam gơl pa là ngan ngồn mơya tam gơl pa kung kờn pal sền ngăc tus broă gơrềng tus kơnòm bơsram tu\ do. Tam gơl pa sùm den nùs nhơm kơnòm bơsram dê ờ hềt gơtùi gơrờm tơn di tu\. Tam gơl pa pal tam gơl jơnau bơto bơtê lài hơ\ sồng tam gơl pa sră măy den là dipal rlau”.

          Cau cih mờ yal tơngi\t- Lơ Mu K’ Yến