VOV4.K’ho- He pa gan dùl nam 2020 mờ uă kal ke tài ală bơta gơrềng ờ niam bơh kòp Covid-19 mờ rềs àr bơh trồ tiah. Tu\ rài kis gam uă kal ke den geh broă lơh nùs nhơm dong kờl, lơh geh rùp rài mpồl bơtiàn geh tai bơta niam.

Mờ dùl mpồl pràn pơgồp bal lơh geh bơta niam hơ\ là cau kơnòm să. Mờ bơta pràn să jan bal mờ bơta niam bơh plai nùs, ală cau do neh sòl àng nùs nhơm tàm gơboh bal mờ cèng geh nùs nhơm pin dờn tàm ală bơta niam bơne\ tàm rài kis.

Bè hơ\ sùm tàm ală ngai rơlô tàm poh, Y Việt Niê, deh nam 1987, tu\ do gam lơh broă tàm hìu sơnơm kơnhoàl Krông Năng pơn diang phan lòt dong kờl ală cau geh rài kis kal ke. Tu\ kơno cau yal tàm tiah lơi geh cau kờ` dong kờl den Y Việt lùp geh anih nàng tus tơn jòi kờ` g^t bè rài kis bal mờ bơta kờ` bơh cau do dê nàng di tu\ dong kờl. Y Việt pà g^t, nàng geh priă dong kờl ală cau, pah nhai bi neh tă 1 tơlăk 500 rơbô đong tàm khà priă nhai bơh să tờm dê mờ hòi jà tai broă dong kờl bơh mpồl bơtiàn.

                                    Y Việt Niê pà rơndeh chồl mờ tê ai kơnòm dềt koe\t kơl te in

Kơnờm mờ hơ\, tàm 2, 3 nam do bi neh dong kờl uă cau geh phe sa tu\ jơgloh, geh ào mpha soh tu\ noăt mrềt, geh rơndeh lòt rê tu\ gơtìp koe\t kơl te mờ uă kơnòm dềt geh sră măi, sră cih bal mờ ào mpha nàng soh lòt bơsram… Y Việt đơs là, nùs nhơm gơboh bal mờ bi jào pà là phan lơh pas cau dờp in, mơya ờ lơh rơ[ah cau neh pà. “A` go\ rài kis a` neh tơl là a` chờ hờp ngan gơboh. A` geh uă den dong kờl uă, geh ờ uă den dong kờl ờ uă. Geh bơh nùs nhơm he dê”.

Rơlao 5 nam bơto tàm hìu bơsram cấp 2 Ngô Mây, xã Ea Mroh, kơnhoàl Cư\ Mgar, pơgru Mai Văn Chuyền g^t wă ngan mờ ală kal ke bơh ală kơnòm bơsram tàm tiah ngài. Mờ kơ\p kờ` bơsal bơta ờ ndrờm bal bơh broă bơto bơtê mờ bơsram tàm ală [òn dờng mờ tiah [òn lơgar, tiah ngài, nhai 8 nam 2019, pơgru Mai Văn Chuyền neh crơng gơs mpồl “Tài bol oh kờ` gơboh” nàng bơto bơtơl bơdìh jơ ờ sa priă ai ală kơnòm bơsram in, dong kờl ală kơnòm bơsram geh bơsram wơl ală jơnau bơsram tơnơ\ mờ tu\ bơsram tàm hiu bơsram.

Pơgru Mai Văn Chuyền (soh ào tơlir ơruh pơnu) bơto bơsram bơtơl ờ sa priă tàm ală tu\ trồ mang ai kơnòm bơsram in

Tơnơ\ mờ rơlao 1 nam lơh broă, mpồl do neh bơyai lơh 8 “Ơdu\ bơsram kờ` gơboh” tàm ală tu\ mang tàm 2 xã Ea H’đing mờ Ea Mroh. Tus bal ơdu\ bơsram, geh mờr 300 nă kơnòm bơsram bơh ơdu\ 6 tus ơdu\ 9 geh bơto bơtơl ală môn: Toán, Ngữ văn, dà Mỹ bal mờ ờ uă môn geh bơta chài rơgơi is bè: guitar, võ thuật. Ờ mìng bè hơ\, tơnơ\ mờ tơl tu\ bơsram, ală cau pơgru gam bơto sồr ală kơnòm bơsram bè bơta ngăc ngar lơh broă mpồl, tìp bal đơs crih tamya, bơsram tàp bơta chài tềng đăp mờ tiah gal cau.

Bal mờ “Ơdu\ bơsram kờ` gơboh”, mpồl “Tài bol oh kờ` gơboh” gam geh ai broă lơh “Hìu ngăc ngar” tàm xã Quảng Hiệp mờ ală ơdu\ bơsram dà Mỹ, cờ vua mờ geh di pơgăp 1 rơbô pang sră tơl ală bơta, dong kờl ală kơnòm bơsram geh bơsram sră mờ nhơl ndang, khăt gơboh tàm broă nhơl sền tàm tơl tu\ lồi poh. Mpồl kung lam sồr lơh tiah nhơl chờ kơnòm dềt in, hìu dong kờl, sră măi, phan ngui bơsram, ală phan pà, priă bơsram pà kơnòm bơsram rơ[ah bơsram jăk.

Phạm Thành Tuấn jào pà sră măi, phan ngui bơsram mờ dà toh ai kơnòm bơsram tàm tiah ngài càr Dak Lak in

Tàm rơlao 1 nam do, mpồl do neh lam sồr tăc geh rơlao 3 rơbô pang sră măi, rơlao 10 rơbô pang sră cih mờ uă khà priă bơsram, phan pà ai kơnòm bơsram rơ[ah in. Kơnờm mờ hơ\, g^t nđờ rơhiang nă kơnòm bơsram rơ[ah tàm do neh geh tìp mờ broă bơto pa mờ geh tai nùs nhơm chờ tàm broă bơsram sră. Pơgru Mai Văn Chuyền, atbồ mpồl “Tài bol oh kờ` gơboh” yal: “Kơ\p kờ` lài ngan bơh a` dê là lơh geh dùl broă bơsram sră pa ai ală kơnòm in geh sùm. Mơya tu\ a` sơlơ lơh den go\ pal tam gơl pa. lài ngan mìng là bơto bơsram bè ờs, bơto bơtơl jơnau ngăc ngar mơya tơnơ\ mờ hơ\ den a` go\ pal geh bơto tai dà Mỹ, ai geh tai broă bơsram sră pa bè bơsram pờ tàm internet, hơ\ sồng bơto bơsram ală bơta ngăc ngar tàm rài kis.

Bơh tu\ hơ\, a` go\ nùs nhơm kờ` bơsram sră bơh ală kơnòm bơsram geh gơguh uă ngan, bơta ngăc ngar tàm broă bơsram sră bơh ală kơnòm geh niam ngan. Mờ ală cồng nha niam bơh ală kơnòm bơsram geh là bơta pràn ngan nàng ală cau pơgru, cau lơh broă dong kờl tus bal mờ ơdu\ bơsram do”.

Tàm điện thoại ngăc ngar bơh bi Phạm Thành Tuấn, kuang atbồ mpồl lơh sa kă bro mpồl bơtiàn tàm càr Dak Lak, rùp bè ală ù tiah mờ bi neh lòt tus tàm ală dơ\ lơh broă nùs nhơm dong kờl geh uă ngan. Hơ\ là ală rùp hìu sèt, hơ\ là rùp ală kơnòm dềt ờ geh ào soh, să bồ [ơ\, rùp ală cau ờ geh ào ram soh gơtìp noăt mrềt, ha là ală ơdu\ bơsram gơtìp sèt, ală kơnòm bơsram ờ tơl sră măi, sră cih nàng bơsram, ha là dơ\ sào bè ờs bơh làng bol kòn cau gơtìp rơ[ah… ală pang rùp hơ\ là bơta pràn hòi jà Tuấn pal jòi geh gùng dà broă lơh nùs nhơm dong kờl mờ bi gam lơh jăt.

          Săp `o\ bơh ală kơnòm dềt tu\ geh dờp sră măi, sră cih là bơta chờ bơh Tuấn dê

Mờ gơnoar là kuang atbồ đơng lam Công ty TNHH gùng sră Buôn Ma Thuột, Tuấn neh bơyai uă broă lơh wèt tus hờ mpồl bơtiàn tàm gùng sră tàm ală ngai dơ\ 7 mờ ngai rơlô pah poh. Tơngai gơtìp kòp Covid-19 gơbàn, bi Tuấn neh pơgồp bal mờ mpồl tam klăc ơruh pơnu càr Dak Lak lơh anih ATM phe nàng ai phe dong kờl ờ sa priă cau rơ[ah in. Bơh anih ATM sơnrờp ngan geh ơn tềng gùng sră, mìng tàm 2 nhai, Tuấn neh lơh uă tus 12 anih ATM phe tàm uă anih krơi is mờ neh pà rơlao 200 tấn phe ai làng bol in.

Bal mờ anih ATM phe, uă phan ngui, phan sa ndai, chèo sơnơm, dà lơh kloh vi khuẩn mờ sơgơn kơrian gơdăt dà neh geh bi Tuấn pơgồp bal mờ ală mpồl lơh broă nùs nhơm dong kờl tàm do nàng tus pà làng bol tàm ală kơnhoàl tiah ngài càr Dak Lak in.

Ờ kờ` ơm wơl mờ ală broă lơh nùs nhơm dong kờl jăt broă lơh drơng ala, bi Tuấn gam geh rơndăp broă crơng gơs Công ty lơh broă nùs nhơm dong kờl nàng gơtùi rơcang bơyai lơh ală broă lơh nùs nhơm dong kờl dờng rơlao, gơtùi bơsal ală tiah mờ mpồl bơtiàn kờ`, mờ pal geh gàr niam bơta kơl jăp. Mờ mpồl lơh sa kă bro mpồl bơtiàn gerh crơng gơs tàm nhai 5 nam 2019, do là jơnau mờ bi Tuấn neh jòi geh.

Jăt bi Tuấn yal, tu\ tus bal mờ mpồl lơh sa kă bro mpồl bơtiàn, ală cau geh tus bal lơh jăt tơngu me geh nùs nhơm mpồl bơtiàn, bơta kuơ lơh geh, geh ngui nàng bơcri tai ai tơngu me hơ\ ha là ai mpồl bơtiàn in nàng ala mờ bơta geh uă bơta kuơ ai cau lơh broă bal in ha là cau tờm bơcri priă lơh. Tơnơ\ mờ rơlao 6 nhai lơh broă, mpồl lơh sa kă bro mpồl bơtiàn bơh Tuấn crơng gơs neh lơh geh 20 nơm thư viện ai 20 [òn rơ[ah tàm càr Dak Lak in. Ală thư viện do neh ai 500 pang sră mờ di pơgăp 600 nă kơnòm bơsram geh dờp kuơ. “A` tơl^k jơnau bơsram broă mờng chài là a` pal lơh dùl mpồl lơh sa kă bro mpồl bơtiàn, tài mpồl lơh sa kă bro mpồl bơtiàn geh gơnoar pơgồp bal mờ tơngu me do. A` ờ lơh uă ir, ờ lơh mờ jơh ală broă mờ a` rơwah bơta a` geh bơta pràn ngan, hơ\ là rơndăp broă pơgồp bal mờ sră, hơ\ là lơh [làng nhơl, dong kờl broă bơto bơtê mờ lơh hìu bơsram bal mờ ală broă lơh nhơl chờ ai kơnòm dềt in là uă ngan.

A` lơh mpồl lơh sa kă bro mpồl bơtiàn tàm nhai 5 nam 2020. Tơnơ\ mờ nggùl nam a` tơrgùm jơh ală bơta pràn nàng mu\t tàm 2 broă lơh tờm, hơ\ là ai sră tus mờ ală [òn mờ broă lơh dơ\ bàr là ai geh ală bơta pơgồp bal nàng ală mpồl lơh broă nùs nhơm dong kờl tơrgùm bal”.

 Gam g^t, tàm tiah lơi hơ\ hờ bơdìh mpồl bơtiàn gam geh uă ngan bơta kal ke, glar bòl. Mơya, mờ ală broă lơh geh kuơ mờ ală cau gam kơnòm să gam lơh, neh dong kờl ală he geh tai nùs nhơm pin dờn tàm ală bơta niam bơne\ tàm rài kis. Bơkào gam lì tàm rài kis bè ờs mờ broă tam pà bal bơta gơboh gam hòi jà kòn bơnus rềp bal rơlao. Bơta duh nùs nhơm kòn bơnus, bơta àng bơh ù tiah, trồ tiah gơlơh bè tơrgùm bal nàng cèng geh ù tiah Tây Nguyên in dùl nam pa hờm ram mờ gơboh gơbài.

Cau cih Nam Trang-Cau mblàng Ndong Brawl